15 Amarnath pilgrims died in bus accident
mictv telugu

బస్సు ప్రమాదంలో 15 మంది అమర్‌నాథ్ యాత్రికుల మృతి

July 14, 2022

15 Amarnath pilgrims died in bus accident

అమర్‌నాథ్ యాత్రలో మరో ఘోరం చోటుచేసుకుంది. జమ్ముకశ్మీర్‌లోని కాజికుండ్ ప్రాంతంలో యాత్రికులతో వెళ్తున్న బస్సు రోడ్డు ప్రమాదానికి గురై 15 మంది చనిపోయారు. 45 మంది గాయపడ్డారు. జమ్ము – శ్రీనగర్ జాతీయ రహదారిపై బద్రాకుండ్ క్రాసింగ్ వద్ద బస్సును టిప్పర్ ఢీకొట్టడంతో ప్రమాదం జరిగినట్టు పోలీసులు తెలిపారు.

కాగా, ఇటీవలే వరదల వల్ల 16 మంది యాత్రీకులు ప్రాణాలు కోల్పోయారు. ఇప్పుడు వర్షాలు తగ్గడంతో అధికారులు యాత్రను తిరిగి ప్రారంభించారు. ఈ క్రమంలో భగవతి నగర్ బేస్ క్యాంపు నుంచి గురువారం ఐదు వేల మంది యాత్రికులు బయల్దేరారు. ఈ క్రమంలోనే బస్సు ప్రమాదం జరిగిందని అధికారులు వెల్లడిస్తున్నారు. గాయపడిని వారిని సమీపంలోని ఆసుపత్రికి తీసుకెళ్లి చికిత్స అందిస్తున్నట్టు తెలిపారు. ప్రమాదాలు కాక, ఆరోగ్య సమస్యలతో ఇప్పటివరకు 11 మంది యాత్రికులు మరణించారు. ఈ యాత్ర ఆగస్టు 11న రాఖీ పండుగ, శ్రావణ పౌర్ణిమ రోజున ముగుస్తుంది.