5 years old boy appointed child constable in chhattisgarh
mictv telugu

ఐదేళ్ల చిన్నారికి కానిస్టేబుల్ ఉద్యోగం

January 9, 2023

5 years old boy appointed child constable in chhattisgarh

ఐదేళ్ల వయుస్సులోనే ఓ బాలుడు కానిస్టేబుల్‌గా నియామకమయ్యాడు. స్పెషల్ రిక్రూట్‌‌మెంట్ ద్వారా ఆ చిన్నారిని ఛత్తీస్‎గఢ్ ప్రభుత్వం చైల్డ్ కానిస్టేబుల్‎గా నియమించింది. ఈ మేరకు ఉన్నతాధికారులు అతడికి నియమాక పత్రాలను అందించారు.

పూర్తి వివరాల్లోకి వెలితే.. ఛత్తీస్‎గఢ్ సూరజ్‌పుర్‌ జిల్లాకి చెందిన హరి ప్రసాద్‌ ఓ సబ్ ఇన్ స్పెక్టర్. కొరియా జిల్లాలో ఆయన విధులు నిర్వహించేవాడు. కొద్ది రోజులు కిందట డ్యూటీ సమయంలో ప్రాణాలు విడిచాడు. దీంతో తండ్రి మరణంతో కారుణ్య నియామకం కింద కుటుంలో ఒకరికి ఉద్యోగం ఇవ్వాలని ఉన్నతాధికారులు నిర్ణయించారు. ఈ మేరకు సుర్గుజా రేంజ్‌ ఐజీ రామ్‌గోపాల్‌ గార్గ్‌ కింది స్థాయి సిబ్బందికి ఆదేశాలు జారీ చేశారు. ఐజీ ఆదేశాల మేరకు సూరజ్‌పుర్‌ ఎస్పీ రామకృష్ణ సాహు రిక్రూట్‌మెంట్ ప్రక్రియను పూర్తి చేసి బాలుడికి కానిస్టేబుల్‎గా ఉద్యోగం అవకాశం కల్పించారు. తల్లి సమక్షంలో నియామకపత్రాలతో పాటు చాక్లెట్లను అందించారు. 18 సంవత్సరాలు నిండిన తర్వాత పూర్తిస్థాయి కానిస్టేబుల్‌‎గా అతడు నియామకం కానున్నాడు.