6833 Crores Rupees Credited In Bihar man's Account
mictv telugu

అకస్మాత్తుగా అకౌంట్‌లోకి రూ.6వేల కోట్లు.. పంపిందెవరో?

August 9, 2022

బిహార్‌‌కు చెందిన ఓ వ్యక్తి బ్యాంకు ఖాతాలో ఏకంగా రూ.6,800 కోట్లకుపైగా డబ్బు జమయ్యింది. అసలు అంత డబ్బు తన ఖాతాలోకి ఎలా వచ్చిందో తెలియక ఆ వ్యక్తి కూడా ఆశ్చర్యపోతున్నాడు. పోనీ పొరపాటున బదిలీ అయ్యిందేమోనని అనుకున్నా ఇంత వరకూ అతడిని కానీ, పోలీసులను కానీ ఎవరూ సంప్రదించకపోవడం గమనార్హం. ఈ ఘటన బిహార్‌లోని లఖీసరాయ్‌ జిల్లా బర్హియా గ్రామంలో చోటుచేసుకుంది.

గ్రామానికి చెందిన సుమన్‌ కుమార్‌ స్టాక్ మార్కెట్ ట్రేడింగ్ చేస్తుంటాడు. అతడికి స్థానిక కోటక్ సెక్యూరిటీస్ మహీంద్రా బ్యాంకులో డీమ్యాట్ ఖాతా ఉంది. ఈ ఖాతాలో వారం రోజుల కిందట రూ.6,000 కోట్లకుపైగా నగదు జమైంది. ఇటీవల ఖాతాలోని తన నగదు నిల్వను తనిఖీ చేసుకున్న సుమన్‌.. అందులో రూ.6,833 కోట్లు చూసి షాకయ్యాడు. ఇంతకీ పెద్ద మొత్తం తన ఖాతాలోకి ఎలా వచ్చింది? బ్యాంకు సిబ్బంది పొరపాటున ఇలా చేశారా? అని సందేహించాడు. వారం రోజులు గడిచినప్పటికీ డబ్బులు ఇంకా ఖాతాలోనే ఉన్నాయి. పొరపాటున బదిలీ అయిందనుకున్నా.. దీనిపై ఇంతవరకు పోలీసులను ఎవరూ సంప్రదించకపోవడం షాక్ కు గురిచేస్తోంది. దీనిపై తమకు పూర్తి సమాచారం లేదని సూర్యగఢ స్టేషన్‌ హౌస్‌ అధికారి చందన్‌ కుమార్‌ తెలిపారు.