8th day Rs. Release of 296.85 crore Rythu Bandhu funds
mictv telugu

8వ రోజు రూ. 296.85 కోట్ల రైతు బంధు నిధుల విడుదల

January 5, 2023

తెలంగాణ ప్రభుత్వం రైతు బంధు నిధులను వరుసగా ఎనిమిదో రోజు విడుదల చేసింది. ఈ మొత్తం రూ. 296.85 కోట్లుగా ఉందని వ్యవసాయ శాఖ మంత్రి నిరంజన్ రెడ్డి గురువారం వెల్లడించారు. ఇప్పటివరకు లక్షా 69 వేల 709 మంది రైతుల ఖాతాల్లో నేరుగా నిధులు బదిలీ చేశామని తెలిపారు. ఎకరాల వారీగా చూస్తే ఇప్పటివరకు 5 లక్షల 93 వేల 717.02 ఎకరాలు పూర్తయ్యాయని వివరించారు. ఈ విడతలో రూ. 4031.07 కోట్లను విడుదల చేశామని పేర్కొన్నారు. వ్యవసాయ రంగమే ఉపాధికి, ఈ దేశ భవిష్యత్తుకు దారి అని నమ్మని కేసీఆర్ ఎనిమిదేళ్లలో ఈ రంగం కోసం రూ. 3 లక్షల 50 వేల కోట్లను ఖర్చు చేశారని కొనియాడారు. కేసీఆర్ కృషితో 2014లో 68 లక్షల మెట్రిక్ టన్నులు ఉన్న వరి ధాన్యం ఉత్పత్తి ఇప్పుడు 3.50 కోట్ల మెట్రిక్ టన్నులకు చేరాయని ఓ ప్రకటనలో వెల్లడించారు.