దేశంలో మరోసారి కరోనా కేసులు భారీగా పెరుగుతున్నాయి. 113 రోజుల తర్వాత ఆదివారం మొదటిసారి రోజువారీ కేసుల సంఖ్య 500దాటింది. మరోవైపు H3N2వైరస్ కేసులు కూడా కోవిడ్ లాగానే భారీగానే పెరుగుతున్నాయి. ఓవైపు దేశంలో H3N2ఇన్ఫ్లుఎంజా కేసులు నిరంతరం పెరుగుతూనే ఉన్నాయి. ఈ నేపథ్యంలో కోవిడ్ మహమ్మారి కూడా విరుచుకుపడుతోంది. దీంతో కేంద్ర మంత్రిత్వ శాఖ అప్రమత్తమైంది. ఆరోగ్యశాఖ డేటా ప్రకారం ఆదివారం ఒక రోజులో 524కొత్త కోవిడ్ 19 కేసులు నమోదు అయ్యాయి. అంతకుముందు నవంబర్ 18, 2022 న, 500 కొత్త కేసులు నమోదయ్యాయి. దీంతో దేశంలో కరోనాకు చికిత్స పొందుతున్న వారి సంఖ్య 3,618కి పెరిగింది. కేరళలో ఇన్ఫెక్షన్ కారణంగా ఒక రోగి మరణించిన తరువాత, కోవిడ్ కారణంగా మొత్తం మరణాల సంఖ్య 5,30,781 కు పెరిగింది.
గత ఏడు రోజుల్లో, కోవిడ్ సంక్రమణ సంఖ్య కూడా రెట్టింపు అయింది. గత ఏడు రోజుల్లో, 2671 కొత్త కేసులు నమోదయ్యాయి. గత ఏడు రోజుల్లో 1802 కోవిడ్ కేసులతో పోలిస్తే 50 శాతం పెరుగుదల ఉంది. గత ఏడు రోజుల్లో రాష్ట్రాల నుండి వచ్చిన కొత్త కేసులలో చాలా వరకు కర్ణాటక, కేరళ, మహారాష్ట్ర, తమిళనాడు, తెలంగాణ రాష్ట్రాలు ఉన్నాయి. గత 11 రోజుల్లో భారతదేశంలో రోజువారీ కేసుల వారంవారీ సగటు రెండింతలు పెరిగింది. ఫిబ్రవరి 28న ఈ సగటు 193గా ఉంటే, మార్చి 11న 382కి పెరిగింది.
మంత్రిత్వ శాఖ ప్రకారం, కోవిడ్ -19 నుండి రికవరీ రేటు 98.80 శాతానికి పెరిగింది మరియు వ్యాధి నుండి కోలుకుంటున్న వారి సంఖ్య పెరిగింది. మరణాల రేటు 1.19 శాతం. మంత్రిత్వ శాఖ వెబ్‌సైట్ ప్రకారం, దేశవ్యాప్తంగా వ్యాక్సినేషన్ ప్రచారంలో దేశంలో ఇప్పటివరకు 220.64 కోట్ల కోవిడ్ వ్యాక్సినేషన్ పూర్తయ్యింది. ఇతర రాష్ట్రాల్లో కూడా కేసులు పెరుగుతున్నాయి, అయితే వారానికి కొత్త కోవిడ్ కేసుల సంఖ్య 100 కంటే తక్కువ. మృతుల సంఖ్య పెరగకపోవడం ఊరటనిచ్చే అంశం. గత కొద్ది రోజులుగా, దేశంలో H3N2 వైరల్ కేసులు కూడా వేగంగా పెరుగుతున్నాయని
