పుట్టినప్పటి నుంచి మరణించే వరకు ఆధార్ ఇప్పుడు తప్పనిసరైంది. సిమ్ కార్డు కొనాలన్నా, అకౌంట్ ఓపెన్ చేయాలన్నా, ఆఖరికి ట్రైన్ టికెట్ బుక్ చేయాలన్నా ఆధార్ ఉంటేనే పని జరుగుతుంది. లేదంటే ఏ పనైకైనా మధ్యలోనే బ్రేక పడిపోతుంది. అయితే ఇంతటి కీలకమైన గుర్తింపు కార్డు నమోదు ప్రక్రియలో అనేక తప్పులు దొర్లుతున్నాయి. పేరు, అడ్రస్సు, ఫోన్ నెంబర్లలో తప్పులుండటం వల్ల అనేక ఇబ్బందులు ఎదుర్కొంటున్నారు ప్రజలు. దీంతో ఆధార్లో తప్పులుంటే మార్చుకునే వెసులుబాటును కల్పించింది యూనిక్ ఐడెంటిఫికేషన్ అథారిటీ ఆఫ్ ఇండియా. అయితే ఇందులోనూ కొన్ని పరిమితులను విధించింది. కొన్ని ఆపష్లను పదే పదే మార్చుకునే వీలులేదని క్లారిటీ ఇచ్చింది. మరి ఆధార్లో ఏఏ వివరాలను ఎన్ని సార్లు మార్చుకోవాలో ఇప్పుడు చూద్దాం.
* ఆధార్ లో పేరును రెండు సార్లు మార్చుకోవచ్చు. పెళ్లైన తరువాత మహిళలు ఇంటి పేరును మార్చుకోవచ్చు. మీ సేవలో అయినా ఆన్లైన్ లో అయినా పేరును మార్చుకునే వెసులుబాటును కల్పించింది యూఐడీఏఐ.
* ఇక జెండర్ విషయంలో ఏమైనా తప్పు జరిగితే ఒసారి మార్చుకోవచ్చు.
* పుట్టిన తేదీ తప్పుగా నమోదు అయితే ఒకేసారి మార్చుకునే అవకాశం ఉంటుంది.
* రెసిడెన్సీ, ఈమెయిల్ ఐడీ, మొబైల్ నెంబరు, ఫోటో, వేలిముద్రలు, ఐరీస్ స్కాన్ లో మార్పులు చేసుకోవడానికి ఎలాంటి పరిమితులు లేవు.
