Aakash Ambani as Reliance Jio Director
mictv telugu

అంబానీ రాజీనామా.. కొత్త చైర్మన్‌గా కొడుకే

June 28, 2022

రిలయన్స్ అధినేల ముఖేష్ అంబానీ మానస పుత్రిక జియోలో కీలక పరిణామం చోటుచేసుకుంది. జియో యూనిట్ డైరెక్టర్‌గా ఉన్న ముఖేష్ అంబానీ ఆ బాధ్యతల నుంచి తప్పుకున్నారు. ఆ పదవిలో ఆయన కుమారుడు ఆకాశ్ అంబానీ బాధ్యతలు చేపడతారని రిలయన్స్ వెల్లడించింది. ముఖేష్ అంబానీకి పెద్ద కొడుకైన ఆకాశ్.. ఇప్పటికే జియోలో నాన్ ఎగ్జిక్యూటివ్ డైరెక్టర్‌గా ఉన్నారు. జూన్ 27న కంపెనీ భేటీ నిర్వహించగా, అందులో ఈ నిర్ణయం తీసుకున్నట్టు ప్రకటించింది. ఈ నియామకం ఆ రోజు నుంచే వర్తిస్తుందని తెలిపింది. ఇదికాక, కంపెనీ ఎండీగా పంకజ్ మోహన్ పవార్‌ను నియమిస్తున్నట్టు, ఆ పదవిలో ఆయన ఐదేళ్లు ఉంటారని జియో బోర్డు డైరెక్టర్ల సమావేశంలో తీర్మానించారు. కేవీ చౌదరి, రమీందర్ సింగ్ గుజ్రాల్‌లు స్వతంత్ర డైరెక్టర్లుగా కొనసాగుతారు. ఈ మేరకు కంపెనీ ఒక ప్రకటనలో వెల్లడించింది.