వెబ్ సిరీస్ లో కులదూషణ..అనుష్కకు లీగల్ నోటీసులు

బాలీవుడ్ నటి అనుష్క శర్మ ఇటీవల అమెజాన్ ప్రైమ్ లో విడుదలైన 'పాతాల్ లోక్' అనే వెబ్ సిరీస్ కు సహనిర్మాతగా వ్యవహరించిన సంగతి తెల్సిందే. ఈ వెబ్ సిరీస్ లో తమ కమ్యూనిటిని దూషించారని గోర్ఖా కమ్యూనిటీ వ్యతిరేకత వ్యక్తం చేస్తోంది. ఈ అంశమై ఇటీవల ఆమెకు లీగల్ నోటీసులు అందాయి. ఈ వెబ్ సిరీస్ లో ఓ కులాన్ని ప్రస్తావిస్తూ దూషణ జరిగిందని ఆరోపణ ప్రణయ్ రాయ్ & అసోసియేట్స్‌కు చెందిన లాయర్ వీరేన్ శ్రీ గురుంగ్.. అనుష్కకు లీగల్ నోటీసులు పంపారు.

ఈ వెబ్ సిరీస్ సెకండ్ ఎపిసోడ్ లో గోర్ఖా కమ్యూనిటీ మొత్తాన్ని అవమానిస్తున్నట్లుగా ఉందని.. గురుంగ్ ఆరోపిస్తున్నారు. 'లేడీ పోలీస్ ఆఫీసర్ విచారణ జరుపుతున్న సమయంలో నేపాలీ క్యారెక్టర్ ను కమ్యూనిటీ మొత్తాన్ని దూషించేలా ఓ పదం వాడుతుంది. అందులో తప్పేం లేకపోయినా అక్కడ నేపాలీ అనే పదాన్ని కూడా కలుపుతుందని అతడు తెలిపాడు. దీనిపై అనుష్క శర్మ స్పందించాల్సి ఉంది.