Adi Shankaracharya was advocate of a “cruel caste system, claims Kerala Minister, stokes row
mictv telugu

ఆది శంకరాచార్యులు ‘క్రూరమైన కుల వ్యవస్థ’కు ప్రతినిధి.. కేరళ మంత్రి

January 3, 2023

Adi Shankaracharya was advocate of a “cruel caste system, claims Kerala Minister, stokes row

హిందూ వైదిక తత్వవేత్త ఆదిశంకరాచార్య.. క్రూరమైన కుల వ్యవస్థకు చెందిన న్యాయవాది, ప్రతినిధి అంటూ కేరళ మంత్రి, కమ్యూనిస్ట్‌ నాయకుడు ఎంబీ రాజేష్‌ వివాదాస్పద వ్యాఖ్యలు చేశారు. కేరళలోని వర్కాల శివగిరి మఠంలో జరిగిన ఓ కార్యక్రమంలో మంత్రి పాల్గొన్నారు. ఈ సందర్భంగా శంకరాచార్యులు, శ్రీనారాయణ గురుదేవుల మధ్య సమాంతరాన్ని వివరించిన మంత్రి.. కేరళకు ‘ఆచార్య’ అంటే అది శ్రీ నారాయణ గురువే తప్ప ఆది శంకరాచార్యులు కాదన్నారు.

కేరళకు ఆచార్యులుంటే అది శ్రీనారాయణ గురువే తప్ప ఆదిశంకరాచార్యులు కాదని, శంకరాచార్యులు మనుస్మృతిపై ఆధారపడిన క్రూరమైన కులవ్యవస్థను సమర్థించారన్నారు. శ్రీనారాయణ గురువే మనుస్మృతిని పారద్రోలేందుకు కృషి చేశారని అన్నారు. శంకరాచార్య కుల వ్యవస్థను సమర్ధించడమే కాకుండా దానికి ప్రతినిధిగా కూడా ఉన్నారని ఆయన అన్నారు. కుల వ్యవస్థను సమర్ధించిన శంకరాచార్యపై శ్రీనారాయణ గురు విమర్శలు చేశారని రాజేష్ అన్నారు. సమాజంలో కుల వ్యవస్థ వేళ్లూనుకుపోవడానికి శంకరాచార్యులే కారణమని మంత్రి అన్నారు.

శంకరాచార్యులను విమర్శించింది నారాయణగురువేనని, కుల వ్యవస్థ ప్రజలను కబళించిందని, దానికి శంకరాచార్యులు కూడా కారణమని శ్రీనారాయణ గురువే చెప్పారని మంత్రి పేర్కొన్నారు. మంత్రి వ్యాఖ్యలపై కేంద్రమంత్రి వీ మురళీధరన్‌ మండిపడ్డారు. రాజేశ్‌ హిందువుల్లో చీలిక తెచ్చేందుకు ప్రయత్నించారని, సవర్ణ-అవర్ణ మనస్తత్వాన్ని సృష్టించి ఒక వర్గం ఓట్లను పొందేందుకు సీపీఎం తప్పుడు ప్రచారం చేస్తుందని, శంకరాచార్యను అవమానించే ప్రయత్నాలను నిలువరించాలన్నారు.