మొట్టమొదటి రోబో లాయర్ తర్వాత నెలలో కోర్టులో క్లయింట్ కు ప్రాతినిధ్యం వహించబోతున్నది. నివేదికల ప్రకారం.. ప్రతివాది పై పోటీ చేయడానికి కృత్రిమ మేధస్సు సిద్ధమైతున్నది.
DoNotPay సంస్థ ఏఐ రోబోను అభివృద్ధి చేసింది. ఇది స్మార్ట్ ఫోన్ యాప్ గా పనిచేస్తుంది. అంతేకాదు.. ఇది అన్ని కోర్టు విచారణలను ప్రసారం కూడా చేస్తుంది. మానవ న్యాయవాది చెప్పినట్లుగా హెడ్ ఫోన్ లను ఉపయోగించి ఏం చెప్పాలో రోబోట్ ప్రతివాదికి నిర్దేశిస్తుంది.
వచ్చే నెల..
జాషువా బ్రౌడర్ 2015లో DoNotPay అని పిలువబడే చట్టపరమైన సేవల కోసం చాట్ బాట్ ను స్థాపించారు. ఆలస్య రుసుము లేదా జరిమానాలను ఎదుర్కుంటున్న వినియోగదారులకు చట్టపరమైన మార్గదర్శకత్వం అందించడానికి ఈ చాట్ బాట్ పరిచయం చేయబడింది. బ్రౌడర్ ప్రకారం.. ఏఐ సహాయకుడికి కేసుపై శిక్షణ ఇవ్వడానికి సమయం కావాలి. ఫిబ్రవరి విచారణకు షెడ్యూల్ చేయబడింది. అసలు తేదీ, కోర్టు జరిగే స్థలం, ప్రతివాది పేరు ఇప్పటికీ రోబోట్ సృష్టికర్తలు రహస్యంగా ఉంచుతున్నారు.
ఎలా స్పందించాలో..
ఈ రోబో నుంచి వచ్చిన ఆదేశాలకు మాత్రమే ప్రతిస్పందించి కేసులో ముందుకు సాగుతుంది. వేగంగా టికెట్ అందుకున్నందుకు దావా వేస్తుంది. సైన్స్ అండ్ టెక్నాలజీ మ్యాగజైన్ న్యూ సైంటిస్ట్ ప్రకారం.. ఏఐ రోబోట్ కోర్టులో సమర్పించిన సాక్ష్యాలను ప్రాసెస్ చేస్తుంది. విశ్లేషిస్తుంది. అంతేకాదు.. ప్రతివాది ఎలా స్పందిచాలో కూడా సలహా ఇస్తుంది. ఒకవేళ వారు కేసులో ఓడిపోతే, ఏదైనా జరిమానా చెల్లించడానికి DoNotPay అంగీకరించింది. ఈ సంస్థ కృత్రిమ మేధస్సును ఉపయోగించి వినియోగదారులకు పెద్ద సంస్థలతో పోరాడటానికి, పార్కింగ్ టిక్కెట్లను కొట్టడం, బ్యాంకు రుసుములను అప్పీల్ చేయడం, దావా వేయడం వంటి సమస్యలను పరిష్కరించడంలో సహాయపడుతుంది. అంతేకాదు.. కార్పొరేషన్ లతో పోరాడటం, బ్యూరోక్రసీని ఓడించడం, ఒక బటన్ నొక్కితే ఎవరిపైనైనా దావా వేస్తుందని కంపెనీ చెబుతున్నది.
