సీఎం ఇంటి ముట్టడి.. ఉద్యోగులపై కేసులు ఎత్తివేసిన ప్రభుత్వం - MicTv.in - Telugu News
mictv telugu

సీఎం ఇంటి ముట్టడి.. ఉద్యోగులపై కేసులు ఎత్తివేసిన ప్రభుత్వం

November 1, 2022

సీపీఎస్ రద్దు చేయాలని కోరుతూ ఉద్యోగులు చేపట్టిన సీఎం ఇంటి ముట్టడి కార్యక్రమం సందర్భంగా వారిపై పెట్టిన కేసులను ప్రభుత్వం ఉపసంహరించుకుంది. ఈ మేరకు ఏపీ ప్రభుత్వం మంగళవారం ఉత్తర్వులు జారీ చేసింది. అధికారంలోకి వస్తే సీపీఎస్ రద్దు చేస్తామని వైసీపీ హామీ ఇచ్చిన విషయం తెలిసిందే. అయితే హామీ నెరవేర్చకపోవడంతో ఉద్యోగులు సీఎం ఇంటి ముట్టడికి సెప్టెంబర్ 1న పిలుపునిచ్చారు. అయితే ఇంటి ముట్టడికి ఉద్యోగులు రాకుండా పోలీసులు ఎక్కికక్కడ ఉద్యోగులను అరెస్ట్ చేశారు.

ఈ క్రమంలో కొందరు ఉద్యోగులపై కేసులు నమోదు చేశారు. కానీ, తర్వాత క్షేత్ర స్థాయిలో విమర్శలు రావడంతో ప్రభుత్వం పునరాలోచనలో పడింది. అందులో భాగంగా కేసులు ఎత్తివేస్తూ నిర్ణయం తీసుకుంది. దీంతో కేసులున్న ఉద్యోగులకు ఊరట కలిగినట్టైంది. కాగా, సీపీఎస్ ఇంకా రద్దు కాకపోవడం గమనార్హం. దీనిపై ఉద్యోగులు ప్రభుత్వాన్ని డిమాండ్ చేస్తూనే ఉన్నారు.