అమ్మకానికి బీఈడీ సర్టిఫికెట్.. సొమ్ము సీఎం ఫండ్‌కు - MicTv.in - Telugu News
mictv telugu

అమ్మకానికి బీఈడీ సర్టిఫికెట్.. సొమ్ము సీఎం ఫండ్‌కు

December 2, 2017

ఉపాధ్యాయ ఉద్యోగం కోసం ఎదురు చూస్తున్న ఒక తెలంగాణ నిరుద్యోగి తన బీఈడీ సర్టిఫికెట్‌ను అమ్మకానికి పెట్టాడు. ఎవరైనా కొంటే ఆ డబ్బును సీఎం రిలీఫ్ ఫండ్ ఇస్తానని అన్నాడు. డీఎస్సీ నిబంధనలు తనకు అన్యాయం చేశానని వాపోయాడు. ఎంతో కష్టపడి చదువుకున్నా ఫలితం లేకపోతోందని ఆవేదన వ్యక్తం చేశాడు. డిగ్రీలో 50 శాతం  మార్కులు వచ్చి ఉండాలన్న నిబంధన తన ఆశలపై  నీళ్లు జల్లిందన్నాడు. అతడు అమ్మకానికి పెడుతూ రాసి లేఖ సోషల్ మీడియాలో వైరల్ అయింది.. ఆ లేఖ ఉన్నదున్నట్లుగా. .‘ఇది నా బీఈడీ సర్టిఫికేట్.. అమ్ముతాను..ఎవరైనా కావాలంటే చెప్పండి ఇస్తా.  మీరిచ్చిన డబ్బు సీఎం రిలీఫ్ ఫండ్‌కి donate చేస్తా. తెలంగాణ ప్రభుత్వం  దీనితో నాకు ఏమి ఉపయోగం లేకుండా చేసింది. మా అమ్మ నన్ను ఎంతో కష్టపడి చదివించింది..నేను బీఈడీ చదివే రోజుల్లో నాకు ఫీజు రీయింబర్స్ కూడా రాలేదు. మంచి ర్యాంక్‌తో సొంత డబ్బులతో ఫీజు కట్టి చదువుకున్నా పంతులు ఉద్యోగం కొలువు చేద్దామని..మంచిగ పూర్తి చేసిన. ఇక పంతులు కొలువు ఎప్పుడెప్పుడు సాధిద్దామా అని ఎదురుచూసిన. అప్పుడు టెట్ అని ఇంకో మెలిక పెట్టిర్రు. దాంట్లో 60%మార్కులు రావలంట. సరే అదికూడా చదివిన 72% మార్కులు తెచ్చుకున్న.

2012 dsc రాసిన 72 మార్కులు వచ్చినాయి. ఉద్యోగం రాలే. అప్పుడు తెలంగాణ ఉద్యమం జరుగుతోంది. ఉమ్మడి Ap ప్రభుత్వం మరో Dsc నోటిఫికేషన్ కి సిద్ధపడింది. మా తెలంగాణలో మేమేసుకుంటం అని ఉద్యమంలో పోరాడి ప్రత్యేక రాష్ట్రం తెచ్చుకున్నం.. ఎప్పుడెప్పుడు dsc నోటిఫికేషన్ వస్తుందా అని ఎదురు చూసినం. మూడేళ్లకు కానీ మన ప్రభుత్వానికి మూడు రాకపాయే..సరే ఇప్పుడు వచ్చింది. మన ప్రభుత్వంలో పంతులు కొలువుకోసం చదువుతున్న. కానీ మన ప్రభుత్వం డిగ్రీలో 50% మార్కులు ఉంటేనే exam రాయాలని మెలిక పెట్టింది. నేనెప్పుడో 2008లో డిగ్రీ పూర్తి చేసిన..నాకు 48.25% మార్కులు వచ్చాయి. అప్పుడే బీఈడీకి అర్హత లేదంటే వేరేది చదువుకొనే వాడిని. బీఈడీ చేసి 2 సార్లు టెట్ రాసి, ఒకసారి dsc రాస్తే.. ఇప్పుడు నేను అర్హుడిని కాదంట. ఇదెంత వరకు న్యాయమో మీరే చెప్పండి. 36% మార్కులు వచ్చిన వాడు కలెక్టర్ అవ్వచ్చు. గ్రూప్ 1 & 2 ఎంప్లాయీస్ అవ్వచ్చు. పోస్ట్ గ్రాడ్యుయేట్ అయిన నాకు అర్హత లేదంటారా?ఝ  మరి పక్కనున్న Ap dsc lo అందరికీ అవకాశం ఇచ్చింది.. నాకు PG లో 75% మార్కులున్నయి. నేను అర్హుడుని కాదా. కనీసం  ప్రైవేట్ టీచర్‌గా కూడా పనికిరానని మన ప్రభుత్వం  certify చేసింది నన్ను…అలాంటప్పుడు ఎందుకు నాకీ మెమో? ప్లీజ్ ఎవరైనా కొనండి నా మెమో..నా మీద జాలి తో అయిని…ఆ డబ్బు కచ్చితంగా సీఎం రిలీఫ్ ఫండ్కి ఇస్తా…నేను ఇప్పటికీ రెండు PG లు చేసా…ఆ మెమోలు కావాలన్న ఇస్తా. ఎవ్వరూ కొనకపోతే కోదండరాం సార్ సమక్షంలో యూనివర్సిటీ వారికి రిటర్న్ చేస్తా. నేను ఎవ్వరి మీదా కోపంతో ఈ మాటలు చెప్పట్లేదు…ఒక నిరుద్యోగిగా…నా బాధ చెప్పుకున్నా…’