Baba Ramdev bought a record price for Punganur cow
mictv telugu

పుంగనూరు ఆవుకి రికార్డు స్థాయి ధర.. కొనుగోలు చేసిన బాబా రాందేవ్

July 24, 2022

పుంగనూరు ఆవు తెలుగు రాష్ట్రాల్లో ఎంత ఫేమస్సో తెలిసిందే. పొట్టి ఆకారంతో, చూపరులను ఆకర్షించే అందంతో కట్టిపడేస్తాయి. ఒకప్పటితో పోలిస్తే ఈ ఆవుల సంఖ్య క్రమేపీ తగ్గుతూ వస్తోంది. పాల దిగుబడి తక్కువగా ఇచ్చే ఈ ఆవుల మేతకు ఖర్చు తక్కువ అవుతుంది. అయితే మిగతా ఆవులతో పోలిస్తే ఈ ఆవు పాలల్లో వెన్న శాతం ఎక్కువగా ఉంటుంది. ఇలాంటి ఈ పుంగనూరు ఆవు గుంటూరు జిల్లా తెనాలిలో రికార్డు స్థాయి ధరకు అమ్ముడుపోయింది. స్థానికంగా ఉండే కంచర్ల శివకుమార్ వద్ద ఈ ఆవు ఉందని తెలియడంతో హరిద్వార్‌లోని బాబా రాందేవ్ ఆశ్రమం నుంచి ప్రతినిధులు వచ్చి రూ. 4.10 లక్షలు వెచ్చించి కొనుగోలు చేశారు. ఈ ధరను చూసి తెనాలి రైతులు ఆశ్చర్యపోయారు. ఈ ఆవులను పెంచితే మంచి లాభాలు ఉంటాయని పశు వైద్యాధికారి నాగిరెడ్డి తెలిపారు.