Bajrang Dal lodges complaint against actress Sai Pallavi in Sultan Bazar PS
mictv telugu

నటి సాయిపల్లవిపై సుల్తాన్ బజార్ పీఎస్‌లో ఫిర్యాదు

June 16, 2022

Bajrang Dal lodges complaint against actress Sai Pallavi in Sultan Bazar PS

నటి సాయిపల్లవి వివాదంలో చిక్కుకున్నారు. ఓ ఇంటర్వ్యూలో సాయి పల్లవి కశ్మీర్ పండిట్ల మారణహోమం, గో హత్యలను లింక్ చేసి మాట్లాడింది. దీంతో ఈ వ్యాఖ్యలు వివాదంగా మారాయి. సాయిపల్లవిపై భజరంగ్ దళ్ ఆగ్రహం వ్యక్తం చేసింది. సుల్తాన్ బజార్ పీఎస్‌లో ఆమెపై ఫిర్యాదు చేశారు. ఉగ్రవాదులతో గోరక్షకులను పోల్చారంటూ సాయిపల్లవిపై ఫిర్యాదు చేశారు.

విరాటపర్వం సినిమా మూవీ ప్రమోషన్స్‌లో భాగంగా ఓ యూట్యూబ్ ఛానెల్‌కి ఇంటర్వ్యూ ఇచ్చిన సాయి పల్లవి.. కశ్మీర్ ఫైల్స్ సినిమాను ప్రస్తావించారు. అప్పట్లో జరిగిన కశ్మీరీ పండిట్ల హత్యలను ఆ సినిమాలో చూపించారని పేర్కొన్నారు. ఇక ఇటీవల గోవులను అక్రమంగా తరలిస్తున్నారనే కారణంతో ఓ ముస్లిం వ్యక్తిపై కొంతమంది దాడికి పాల్పడ్డారని.. ఆ సమయంలో జైశ్రీరామ్ అంటూ నినదించారని అన్నారు. మతం పేరుతో జరిగే ఏ దాడులు సరికావని.. ఈ విషయంలో అప్పటి కశ్మీరీ పండిట్ల హత్యలకు, గోవులను తరలిస్తున్నారనే పేరుతో జరుగుతున్న దాడులకు తేడా లేదన్నారు. ఈ వ్యాఖ్యలే కొందరు నెటిజన్లకు తీవ్ర ఆగ్రహం తెప్పించాయి. కశ్మీర్‌లో జరిగిన మారణహోమాన్ని, అక్రమంగా గోవులను తరలిస్తున్నవారిపై జరుగుతున్న దాడులను ఎలా పోలుస్తూ.. భజరంగ్ దళ్ సుల్తాన్ బజార్ పీఎస్‌లో ఆమెపై ఫిర్యాదు చేసింది.