Balakrishna new movie with faction story Balakrishna new movie with faction story Balakrishna new movie with faction story
mictv telugu

భయం నా బయోడేటాలోనే లేదురా.. ఫ్యాక్షన్ కథతో వస్తున్న బాలయ్య

June 9, 2022

ఫ్యాక్షన్ కథలకు బాలయ్యకు అవినాభావ సంబంధం ఉంది. సమరసింహారెడ్డి వంటి హిట్స్ కొట్టిన బాలయ్య ‘అఖండ’విజయం తర్వాత మళ్లీ ముఠా కక్షలపై చూపు సారించారు. తన 107వ మూవీని బ్లడ్ బాత్‌తో తెరకెక్కిస్తున్నారు. గోపీచంద్ మలినేని దర్శకత్వం వహిస్తున్న ఈ సినిమా టీజర్‌ను తాజాగా బయటికి వదిలారు.

‘మీ జీవో గవర్నమెంట్ ఆర్డర్, నా జీవో గాడ్స్ ఆర్డర్.. భయం నా బయోడేటాలోనే లేదురా’ వంటి బాలయ్య మార్క్ పంచు డైలాగుతో ఈ టీజర్ అభిమానులను అలరిస్తోంది. నల్ల దుస్తుల్లో ఏదో దీక్షలో ఉన్న బాలయ్య గొడ్డలితో నరుకుతున్న దృశ్యం, జీపులు, పల్లె వాతావరనం, నరసింహస్వామి విగ్రహం వంటివి ఇది బ్రాండెడ్ కథను తలపిస్తున్నాయి. శ్రుతి హాసన్ కథానాయికగా నటిస్తున్న ఈ సినిమాకు ఇంకా పేరు పెట్టలేదు. తమన్ సంగీతంతో వస్తున్న ఈ చిత్రాన్ని దసరాకరు విడుదల చేయాలని టీమ్ ప్లాన్ చేస్తోంది.