ఛత్తీస్‌గఢ్‌లోని నారాయణపూర్ జిల్లాలో ఆదివారం నక్సల్స్ అమర్చిన ప్రెషర్ ఇంప్రూవైజ్డ్ ఎక్స్‌ప్లోజివ్ డివైజ్ (ఐఈడీ) పేలడంతో ఛత్తీస్‌గఢ్ సాయుధ దళాల (సీఏఎఫ్) హెడ్ కానిస్టేబుల్ మృతి చెందాడు. ఓర్చా పోలీస్ స్టేషన్ పరిధిలోని బాతుమ్ గ్రామ సమీపంలో ఉదయం 7 గంటల ప్రాంతంలో ఈ ఘటన జరిగిందని నారాయణపూర్ పోలీసులు తెలిపారు. రాయ్‌పూర్‌కు 300 కిలోమీటర్ల దూరంలో ఉన్న ఓర్చా పోలీస్ స్టేషన్‌లో నక్సల్ బ్యానర్లు ఏర్పాటు చేసినట్లు సమాచారం అందడంతో CAF బృందం పెట్రోలింగ్ ప్రారంభించిందనట్లు అధికారులు తెలిపారు.
పెట్రోలింగ్ బాటమ్ గుండా వెళ్తుండగా CAF, 16వ బెటాలియన్‌కు చెందిన హెడ్ కానిస్టేబుల్ సంజయ్ లక్రా అనుకోకుండా ప్రెజర్ IED కనెక్షన్‌పై ట్రిప్ అవ్వడంతో పేలుడు సంభవించినట్లు తెలిపారు. హెడ్ కానిస్టేబుల్ సంజయ్ లక్రా ఛత్తీస్‌గఢ్‌లోని జష్‌పూర్ జిల్లాకు చెందినవాడని చెప్పారు.
అంతకుముందు, ఫిబ్రవరి 25న, సుక్మా జిల్లాలో భద్రతా బలగాలు, నక్సలైట్ల మధ్య జరిగిన ఎన్‌కౌంటర్‌లో, జిల్లా రిజర్వ్ గ్రూప్‌కు చెందిన ముగ్గురు జవాన్లు వీరమరణం పొందారు. ఇద్దరు సైనికులు గాయపడ్డారు. జాగర్గుండ సమీపంలోని ఆశ్రమ పారా వద్ద ఉదయం ఎన్‌కౌంటర్ జరిగిన సంగతి తెలిసిందే.
