Calf born with 2 heads in Balayapalli Village Cuddapah District on Ganesh Chaturthi
mictv telugu

పండుగ రోజు పుట్టిన వింత దూడ.. బతికే ఉంది..

September 1, 2022

ఏపీలోని కడప జిల్లా బద్వేల్ మండలం బాలాయపల్లిలో వింత చోటు చేసుకుంది. బుధవారం వినాయక చవితి రోజున బాలాయపల్లికు చెందిన మన్నెం శంకర్ రెడ్డి అనే రైతు ఇంట్లో గేదెకు రెండు తలల దూడ జన్మించింది. వినాయక చవితి రోజున రెండు తలల దూడ పుట్టడంతో వింత దూడను చూసేందుకు గ్రామస్థులతో పాటు చుట్టుపక్కల గ్రామాల వారు భారీగా తరలివస్తున్నారు. పుట్టిన దూడ ఆరోగ్యంగానే ఉందని రైతు చెబుతున్నారు. ఇదంతా దేవుడు మహిమ అంటూ స్థానికులు చర్చించుకుంటున్నారు.

ఈ విషయం తెలియడంతో పశు వైద్యాధికారులు ఘటనా స్థలానికి చేరుకుని పరిశీలించారు. జన్యుపరమైన లోపం వల్లే ఇలాంటివి జరుగుతుంటాయని చెబుతున్నారు. ఇది మంచి పరిణామం కాదు అంటున్నారు. జన్యుపరమైన లోపాల వల్లే ఇలా జరుగుతుంటుందని.. ఇలాంటివి ఎక్కువ కాలం బతికే అవకాశాలు తక్కువ అని అంటున్నారు. ఆ దూడ బతికినంతకాలం ఇబ్బంది పడుతూనే ఉంటుందనీ.. దాని మెదడులో కూడా చాలా సమస్యలు వస్తాయని చెబుతున్నారు.