CBI Ex JD Lakshmi Narayana Gets Angry on Students In Nalgonda
mictv telugu

‘వెధవల్లారా.. మీలాంటి వాళ్లు ఉండబట్టే దేశం ఇలా ఉంది’

January 24, 2023

CBI Ex JD Lakshmi Narayana Gets Angry on  Students In Nalgonda

ఎప్పుడూ ప్రశాంతంగా కన్పించే సీబీఐ మాజీ జేడీ లక్ష్మీనారాయణ ఆగ్రహంతో ఊగిపోయారు. ఓ కార్యక్రమంలో కొందరు పోకీరీలు చేసిన వ్యాఖ్యలపై ఆయన మండిపడ్డారు. వారిని కార్యక్రమం నుండి బయటకు వెళ్లిపోవాలని కోరారు.

నల్గొండ పట్టణంలో సామూహిక జనగనమణ కార్యక్రమం ప్రారంభించి రెండేళ్లు పూర్తైన సందర్భంగా సోమవారం నాడు ఓ కార్యక్రమాన్ని నిర్వహించారు.ఈ కార్యక్రమంలో పలు విద్యా సంస్థల విద్యార్ధినీ, విద్యార్ధులు పాల్గొన్నారు. ఈ కార్యక్రమానికి సీబీఐ మాజీ జేడీ లక్ష్మీనారాయణ ముఖ్య అతిథిగా హాజరయ్యారు. ఈ సందర్భంగా ఓ విద్యార్థిని దేశ భక్తి గురించి మాట్లాడుతుండగా.. పలువురు విద్యార్థులు ఈలలు వేశారు. పిచ్చి కూతలు కూశారు. సభపై పెద్దలుండగానే వెకిలి వేషాలు వేస్తూ.. నానా రచ్చ చేశారు. దీంతో లక్ష్మీనారాయణకు పట్టరాని కోపం వచ్చింది. పోకిరీల తీరు పట్ల ఆగ్రహంతో మండిపడుతూ.. వారిని చెడామడా తిట్టేశారు. వెధవల్లారా, సిగ్గు లేదా అంటూ నిప్పులు చెరిగారు. మీ వల్లే దేశం ఇలా ఉంది అంటూ విరుచుకుపడ్డారు. సభ నుంచి వెళ్లిపోవాలని వార్నింగ్ ఇచ్చారు.

”దేశభక్తి గురించి మాట్లాడుతుంటే చిల్లరగా మాట్లాడతాడా? ఎవడ్రా వాడు. దమ్ముంటే బయటికి రా. సిగ్గు శరం లేకుండా కూర్చున్నారు. ఇట్లాంటి వాళ్లు ఉండబట్టే దేశం ఇలా ఉంది. అమ్మాయిల వెనుక వరుసలో కూర్చున్న వారు చాలా అల్లరి చేశారు. ఇందాకటి నుంచి చూస్తున్నా. మీ లాంటి వాళ్లకు దేశభక్తి గురించి చెప్పాలంటే మాకు సిగ్గుగా ఉంది. దేశం పట్ల అభిమానం లేని మీరెందుకు ఇక్కడ? పోండి.. అసలు విద్యార్థుల్లా ఉన్నారా మీరు. ఆ డ్రెస్ చూడండి. హెయిర్ స్టైల్ చూడండి.. ఏం సాధించారని ఇంత గర్వపడుతున్నారు? ” అంటూ పోకిరీలపై నిప్పులు చెరిగారు లక్ష్మీనారాయణ. చూస్తుంటే.. విద్యార్థుల ప్రవర్తన ఆయనను బాగా బాధించినట్లు అర్థమవుతోంది.