తాగిన మైకంలో దేవాలయంలోకి వెళ్లిన సీఎం.. పోలీసులకు ఫిర్యాదు - MicTv.in - Telugu News
mictv telugu

తాగిన మైకంలో దేవాలయంలోకి వెళ్లిన సీఎం.. పోలీసులకు ఫిర్యాదు

April 16, 2022

cm

తాగిన మైకం దిగకుండానే గురుద్వారాలో ప్రవేశించారని పంజాబ్ ముఖ్యమంత్రి భగవంత్ మాన్‌పై శిరోమణి గురుద్వారా ప్రబంధక్ కమిటీ సంచలన ఆరోపణలు చేసింది. ఈ నెల 14న జరిగిన వైశాఖి సందర్భంగా ఈ ఘటన జరిగిందని తెలిపింది. దీనిపై సీఎం క్షమాపణలు చెప్పాలంటూ కమిటీ డిమాండ్ చేసింది. మరోవైపు బీజేపీ యువనేత తేజీందర్ పాల్ సింగ్ డీజీపీకి శనివారం ఫిర్యాదు చేశారు. మద్యం మత్తులో గురుద్వారాలో ప్రవేశించిన సీఎంపై కేసు నమోదు చేయాలని డిమాండ్ చేశారు. ఈ మేరకు సీఎంపై చేసిన ఫిర్యాదు ప్రతులను తేజీందర్ పాల్ సోషల్ మీడియాలో పోస్ట్ చేశారు. కాగా, ఇటీవలే ఆప్ పార్టీ తరపున పంజాబ్ నూతన ముఖ్యమంత్రిగా భగవంత్ మాన్ పదవీ బాధ్యతలు స్వీకరించారు.