Covid-19 fourth wave scare: Second booster dose not required, say govt sources
mictv telugu

రెండో బూస్టర్‌ డోస్‌పై ప్రభుత్వ వర్గాలు ఏమన్నాయంటే..?

January 3, 2023

Covid-19 fourth wave scare: Second booster dose not required, say govt sources

కరోనా వైరస్ ఇంకా ఈ ప్రపంచాన్ని వీడలేదు. చైనాతోపాటు ప్రపంచంలోని పలు దేశాల్లో ఆ మహమ్మారి మరోసారి విజృంభిస్తోంది. దీంతో భారత్‌లోనూ కరోనా ఫోర్త్ వేవ్‌ భయం ప్రజలను వెంటాడుతోంది. కరోనా వైరస్‌ వ్యాప్తిని కట్టడి చేసేందుకు మోడీ సర్కార్ అప్రమత్తమైంది. ఒకవేళ కరోనా కేసులు పెరిగితే తీసుకోవాల్సిన చర్యలపై ఆరోగ్య మంత్రిత్వ శాఖ అధికారులతో ఎప్పటికప్పుడు ఉన్నతస్థాయి సమావేశాలు నిర్వహిస్తూ.. దేశంలో కొవిడ్‌ వ్యాప్తిని పరిశీలిస్తోంది. కొవిడ్‌ టెస్టులు, క్వారంటైన్‌ సదుపాయాలు, వ్యాక్సిన్‌ మొదలుకొని ఆసుపత్రుల్లో చేయాల్సిన ఏర్పాట్లపై అన్ని రాష్ట్ర ప్రభుత్వాలకు సూచనలు చేస్తోంది.

ఇక దేశంలో కరోనా పరిస్థితి చూసినట్లయితే.. రెండవ బూస్టర్ డోస్ ఇవ్వాల్సిన అవసరం లేదని ప్రభుత్వ వర్గాలు ఓ జాతీయ మీడియా సంస్థకు తెలిపాయి. మంగళవారం కేంద్ర ఆరోగ్య మంత్రిత్వ శాఖ డేటా ప్రకారం.. దేశవ్యాప్తంగా 134 కొత్త కరోనావైరస్ కేసులు మాత్రమే నమోదయ్యాయి. రోజువారీ సానుకూలత రేటు 0.09 శాతంగా ఉంది. “ప్రస్తుతం రెండవ కోవిడ్-19 బూస్టర్ డోస్ అవసరం లేదు, ముందుగా మనం దేశంలో మొదటి బూస్టర్ డ్రైవ్‌ను పూర్తి చేయాలి.” “రెండవ బూస్టర్ డోస్ గురించి ఇమ్యునైజేషన్ ప్యానెల్ నేషనల్ టెక్నికల్ అడ్వైజరీ గ్రూప్ ఆన్ ఇమ్యునైజేషన్ (ఎన్‌టిఎజిఐ)లో కూడా ఎటువంటి చర్చ ప్రారంభించబడలేదు. దేశంలో మొదటి బూస్టర్ డ్రైవ్‌ను పూర్తి చేయడమే మా మొదటి ప్రాధాన్యత” అని మరో అధికారిక ప్రకటనలో తెలిపింది.