Delhi's female chairperson Swati Maliwal was dragged by drunken man
mictv telugu

మహిళా కమిషన్ చైర్మన్‌కే దిక్కులేదు.. కారుతో ఈడ్చిపడేశాడు

January 19, 2023

Delhi's female chairperson Swati Maliwal was dragged by drunken man

దేశ రాజధాని ఢిల్లీలో శాంతిభద్రతల సమస్య ఆందోళన కలిగిస్తోంది. ఇటీవల వరుసగా చోటుచేసుకుంటున్న దారుణ ఘటనలే ఇందుకు నిదర్శనం. తాజాగా ఢిల్లీ మహిళా కమిషన్ చైర్మన్ స్వాతి మాలివాల్‌కి భయానక అనుభవం ఎదురైంది. గురువారం తెల్లవారుజామున ఓ వ్యక్తి రోడ్డుపై నిల్చున్న స్వాతిమాలివాల్‌ని కారులో 15 మీటర్లు ఈడ్చుకెళ్లాడు. అనంతరం ఆమె ఫిర్యాదు మేరకు కేసు నమోదు చేసుకున్న పోలీసులు నిందితుడు హరీష్ చంద్ర (47)ని అరెస్ట్ చేసి కారును స్వాధీనం చేసుకున్నారు. స్వాతి తెలిపిన కథనం ప్రకారం ఆ వివరాలు ఇలా ఉన్నాయి. ‘మహిళల భద్రతపై క్షేత్రస్థాయిలో ఎలాంటి పరిస్థితులు ఉన్నాయో తెలుసుకోవడానికి తెల్లవారు జామున 3 గంటలకు ఓ బస్టాప్‌లో నిల్చున్నాను. ఆ సమయంలో కారుతో వచ్చిన ఓ వ్యక్తి కారెక్కమని ఒత్తిడి చేశాడు.

నేను నిరాకరించడంతో ముందుకెళ్లి యూటర్న్ తీసుకొని మళ్లీ వేధించాడు. దీంతో నేను పట్టుకునేందుకు ప్రయత్నించగా, ఇంతలో కారు అద్దం పైకి లేపి నా చేయి ఇరుక్కునేలా చేశాడు. అలా 15 మీటర్ల దూరం వరకు ఈడ్చుకెళ్లాడు. ఆ సమయంలో నిందితుడు మద్యం మత్తులో ఉన్నాడు. అదృష్టవశాత్తూ ఏ ప్రమాదం జరగకుండా దేవుడే నన్ను కాపాడాడు. మహిళా చైర్ పర్సన్ పరిస్థితే ఇలా ఉందంటే రాజధానిలో పరిస్థితి ఎంత ఘోరంగా ఉందో ఊహించుకోండి’ అంటూ ఫిర్యాదుతో పాటు ట్విట్టర్ లో వెల్లడించారు.