Do you know about the health benefits of taking pepper and jaggery
mictv telugu

చలికాలంలో నల్లమిరియాలు, బెల్లం కలిపి తింటే ఏం జరుగుతుందో తెలుసా..?

January 18, 2023

Do you know about the health benefits of taking pepper and jaggery

చలికాలం వచ్చిందంటే చాలా ఎన్నో రోగాలు చుట్టుముడుతుంటాయి. ఈ కాలంలో చాలా జాగ్రత్తలు తీసుకోవల్సి ఉంటుంది. మరీ ముఖ్యంగా ఆహారం విషయంలో చాలా జాగ్రత్తగా ఉండాలి. ఎందుకంటే ఈ సీజన్ లో వచ్చే సమస్యలకు ఆహారమే కీలకం. వేడి వేడి ఆహారం తీసుకోవాలి. చల్లని పదార్థాలకు దూరంగా ఉండాలి. మరీ ముఖ్యంగా చిన్నపిల్లలకు ఈ సీజన్లో చాలా సమస్యలు వస్తుంటాయి. జలుబు, దగ్గు ఇవి ఓ పట్టాన తగ్గవు. అయితే చలికాలంలో నల్లమిరియాలు, బెల్లం కలిపి తీసుకుంటే ఎన్నో ఆరోగ్య ప్రయోజనాలను పొందవచ్చు. అవేంటో తెలుసుకుందాం.

బెల్లం, నల్లమిరియాలు ఈ రెండింటిలోనూ ఎన్నో పోషకాలతోపాటు ఆరోగ్య ప్రయోజనాలు ఉన్నాయి. ఈ రెండింటిని కలిపి తీసుకుంటే ఆరోగ్యానికి ఎన్నో ప్రయోజనాలు పొందవచ్చు. బెల్లం, నల్లమిరియాల్లో వేడి చేసే లక్షణం ఉంటుంది. అందుకే చలికాలంలో ఈ రెండింటినీ కలిపి తీసుకుంటే చాలా సమస్యలకు పరిష్కారం లభిస్తుంది.

జలుబు, దగ్గు, గొంతు నొప్పికి:

జలుబు, దగ్గు, గొంతు నొప్పి ఇవన్నీ ఇబ్బంది పెడుతుంటాయి. ఒకసారి వచ్చాయంటే..సులభంగా తగ్గవు. మూడు మిరియాలు, కొంచెం బెల్లం తీసుకుని ఈ రెండింటినీ కలిపి పేస్టుగా చేయాలి. ఈ పేస్టును ప్రతిరోజూ తీసుకున్నట్లయితే దగ్గు, జలుబు, గొంతునొప్పి తగ్గిపోతాయి. ఉదయం ఒకసారి మాత్రం తీసుకోవాలన్న విషయం గుర్తుంచుకోండి.

ముక్కులో నుంచి రక్తం కారుతుంటే.:

కొంతమందికి ముక్కులో నుంచి రక్తం కారుతుంటుంది. ఈ సమస్య తగ్గాలంటే..పెరుగులో కొంచెం బెల్లం, మిరియాల పొడి కలిపి తాగితే..ముక్కులో నుంచి రక్తం కారడం క్రమంగా తగ్గిపోతుంది. అంతేకాదు తలనొప్పిని కూడా తగ్గిస్తుంది. తలనొప్పిగా ఉన్నప్పుడు ఈ మిశ్రమాన్ని తీసుకుంటే ఉపశమనం కలుగుతుంది.

కీళ్లనొప్పులకు చెక్ :

నేటికాలంలో చాలామంది కీళ్లనొప్పులతో బాధపడుతున్నారు. కీళ్లనొప్పులు ఉన్నవారు ప్రతిరోజూ బెల్లం, మిరియాలు పొడిని తీసుకుంటే…ఉపశమనం కలుగుతుంది. మిరియాల్లో ఉండే లక్షణాలు..కీళ్ల నొప్పులు తగ్గించేందుకు సహాయపడతాయి. బెల్లం ఆర్గానిక్ అయితే మంచి ఫలితం ఉంటుంది.