Do you know how many kilometers a Tata electric car can travel on a single charge
mictv telugu

టాటా నుంచి మరో ఎలక్ట్రిక్ కార్ వచ్చేస్తోంది.. నాన్ స్టాప్ రైడింగ్..!!

January 6, 2023

రోజురోజుకు పెరుగుతున్న డీజిల్ పెట్రోల్ ధరలు చూసి భయపడుతున్నారా, దీనికి పరిష్కారం ఎలక్ట్రిక్ కార్లు మాత్రమే. మీరు కూడా ఎలక్ట్రిక్ కార్ కొనాలని ప్లాన్ చేస్తున్నారా. ఈ సంవత్సరం విడుదల కాబోతున్న మూడు ఎలక్ట్రిక్ కార్ల గురించి తెలుసుకుందాం.

పెట్రోల్-డీజిల్ కార్ల కంటే ఎలక్ట్రిక్ కార్లు కాస్త ఖరీదైనవి. కానీ పెట్రోల్ ధర ఎంత పెరిగినా మీ జేబుకు భారం ఉండదు. కేవలం మొబైల్ ఫోన్ ఛార్జింగ్ చేసుకున్నట్టు, ఛార్జింగ్ పెడితే చాలు ఎంత దూరమైనా వెళ్ళవచ్చు. ప్యాసింజర్ ఎలక్ట్రిక్ కార్ల విభాగంలో టాటా మోటార్స్ 80 శాతానికి పైగా వాటాను కలిగి ఉంది. ఇప్పుడు చాలా తక్కువ ధరలో కొత్త ఎలక్ట్రిక్ కార్లు మార్కెట్లోకి రాబోతున్నాయి. అటువంటి 3 ఎలక్ట్రిక్ కార్ల గురించి తెలుసుకుందాం. వీటిని 2023 సంవత్సరంలో రూ. 15 లక్షల కంటే తక్కువ ధరకు విడుదల చేయవచ్చు.

టాటా పంచ్ EV
Tiago EVని పరిచయం చేసిన తర్వాత, టాటా మోటార్స్ ఇప్పుడు 2023 పండుగ సీజన్ నాటికి పంచ్ మైక్రో SUV యొక్క ఎలక్ట్రిక్ వెర్షన్‌ను పరిచయం చేయడానికి సిద్ధమవుతోంది. దీనిని 2023 ఆటో ఎక్స్‌పోలో కూడా ప్రవేశపెట్టవచ్చు దీని ఉత్పత్తి జూన్‌లో ప్రారంభమవుతుంది. ఎలక్ట్రిక్ మినీ SUV Gen 2 (SIGMA) ప్లాట్‌ఫారమ్‌ ఆధారంగా రూపొందిస్తున్నారు. టాటా పంచ్ EV, రెండు బ్యాటరీ ప్యాక్ ఎంపికలతో మార్కెట్లోకి తీసుకురావచ్చు – మొదటిది 26kWh, రెండోది 30.2kWh . పంచ్ EV ధర సుమారుగా రూ.10 లక్షల నుండి రూ.14 లక్షల వరకు ఉంటుందని అంచనా వేస్తున్నారు.

సిట్రోయెన్ EC3
ఫ్రెంచ్ ఆటోమేకర్ సిట్రోయెన్ కొత్త ఇ-సి3లో ఎల్‌ఎఫ్‌పి (లిథియం ఐరన్ ఫాస్ఫేట్) సెల్‌లు ఉంటాయని ధృవీకరించింది, వీటిని స్వోల్ట్ ఎనర్జీ నుండి తీసుకోనున్నారు. ఇది 30.2kWh బ్యాటరీ ప్యాక్, ఫ్రంట్-యాక్సిల్ మౌంటెడ్ ఎలక్ట్రిక్ మోటార్ ద్వారా శక్తిని పొందుతుంది, ఇది 84bhp శక్తిని, 143Nm టార్క్‌ను ఉత్పత్తి చేస్తుంది. ఇది ఒక్కసారి పూర్తి ఛార్జ్‌తో దాదాపు 200-250 కిమీల మైలేజీని ఇస్తుంది. ఇది రాబోయే టాటా పంచ్ EVకి పోటీగా ఉంటుంది. దీని ధర రూ.11 లక్షల నుంచి రూ.15 లక్షల మధ్య ఉండవచ్చని అంచనా వేస్తున్నారు.

MG AIR EV
MG ఎయిర్ EV 2023 ఆటో ఎక్స్‌పోలో ప్రవేశ పెడుతున్నారు. భారత మార్కెట్లో ఈ బ్రాండ్‌కు చెందిన అతి చిన్న కారు ఇదే. దీని ధర రూ.15 లక్షల లోపే ఉంటుంది. దీని ప్రొడక్షన్ వెర్షన్ మార్చి 2023లో రావచ్చు. EVలో 20kWh–25kWh మధ్య బ్యాటరీ ప్యాక్ ఇవ్వవచ్చు. ఇది దాదాపు 150 కి.మీ మైలేజీని అందించగలదు. ఇది సరికొత్త గ్లోబల్ స్మాల్ ఎలక్ట్రిక్ వెహికల్స్ (GSEV) ప్లాట్‌ఫారమ్‌పై ఆధారపడి ఉంటుంది.