సినీ ప్రియులకు భాషతో సంబంధం లేదు. టాలీవుడ్, బాలీవుడ్, హాలీవుడ్.. ఇలా ఏ ఇండస్ట్రీకి చెందిన సినిమా అయినా సరే నచ్చితే అక్కున చేర్చుకొని ఆకాశానికెత్తెస్తారు. తాజాగా హాలీవుడ్‌కు చెందిన మార్వెల్ సంస్థ నిర్మాణంలో వ‌స్తున్న డాక్టర్ స్ట్రేంజ్ ఇన్ ద మల్టీవెర్స్ ఆఫ్ మ్యాడ్‌నెస్ కోసం సినీ అభిమానులు ఆతృతగా ఎదురుచూస్తున్నారు. అందుకు కార‌ణం.. 2016లో వచ్చిన డాక్టర్ స్ట్రేంజ్ మొదటి భాగం సూపర్ హిట్ అవ్వడమే. ఈ సిరీస్‌లో 27వ మూవీగా మే 6న (రేపు) విడుదల అవుతున్న సినిమాపై అంచనాలు భారీ స్థాయిలో ఉన్నాయి.
#DoctorStrange Multiverse of Madness was a comic book fever dream. This is by far the Best Directed MCU film. Sam Raimi awed me with his incredible style and visual flare. The action set pieces blew me away & Elizabeth Olsen’s #ScarlettWitch was a force to be reckon with. pic.twitter.com/PrbmnwNeeo
— Duane Miller (@Cinemaniac94) May 3, 2022
అయితే విడుదలకి ముందే క్రిటిక్స్ కోసం ఈ మూవీని ప్రత్యేకంగా ప్రదర్శించారు. దీంతో ఈ సినిమా చూసిన వారంతా.. సినిమా అద్భుతం అంటూ పొగుడుతున్నారు. గ‌తంలోనే ఏ మార్వెల్ మూవీస్‌లో లేని హైలైట్స్ ఇందులో ఉన్నాయట. సామ్ రైమి దర్శకత్వం వహించిన ఈ మూవీలో వాండాగా ఎలిజబెత్ ఒల్సెన్, స్ట్రేంజ్‌గా బెనెడిక్ట్ యాక్టింగ్ ఇరగదీశారని చెబుతున్నారు. ఈ సినిమా ఖచ్చితంగా సంచలనాలు సృష్టిస్తుంద‌ని ట్విట్ట‌ర్‌లో పోస్టులు, రివ్యూలు పెడుతున్నారు.
