ఏపీలో డబ్బుల్లేక సంక్షేమ పథకం నిలిపివేత.. హైకోర్టుతో ప్రభుత్వం - MicTv.in - Telugu News
mictv telugu

ఏపీలో డబ్బుల్లేక సంక్షేమ పథకం నిలిపివేత.. హైకోర్టుతో ప్రభుత్వం

June 23, 2022

గత ప్రభుత్వం అమలు చేసిన దుల్హన్ అనే సంక్షేమ పథకాన్ని నిలిపివేసినట్టు ప్రభుత్వం హైకోర్టుకు వెల్లడించింది. ఆర్ధిక ఇబ్బందులు ఎక్కువవడంతో పథకాన్ని కొనసాగించలేకపోయామని నివేదికలో పేర్కొంది. టీడీపీ హయాంలో మొదలైన ఈ పథకం ముఖ్య ఉద్దేశం.. మైనార్టీ వర్గాల్లోని పేదింటి ఆడ పిల్లల వివాహానికి ఆర్ధిక సహాయం చేయడానికి ఉద్దేశించినది. ఈ పథకం కింద రూ. 50 వేల నగదును వధువు కుటుంబానికి అందేవి. దుల్హన్ పథకాన్ని నిలిపివేతపై హైకోర్టులో పిటిషన్ దాఖలు కాగా, విచారణ సమయంలో ప్రభుత్వం ఈ విషయాన్ని నివేదించింది.