ఏపీ సర్కార్ ఎంతో ప్రతిష్టాత్మకంగా తీసుకున్న గ్లోబల్ ఇన్వెస్టర్స్ సమ్మిట్ విశాఖలో నేడు ప్రారంభం అయ్యింది. మా తెలుగు తల్లికి మా తెలుగు తల్లికి మల్లెపూదండ గీతాన్ని ఆలపించి..జ్యోతి ప్రజ్వలనతో సమ్మిట్ ను ప్రారంభిచారు. 26 దేశాల నుంచి ప్రతినిధులు ఈ సమావేశానికి హాజరు అయ్యారు. పలు దేశాల పారిశ్రామికవేత్తలు, పెట్టుబడిదారులు ఈ సమ్మిట్ కు హాజరయ్యారు. 26 దేశాల నుంచి పదివేల మంది ప్రతినిధులు పాల్గొంటుండగా ఇండియా నుంచి ప్రముఖ పారిశ్రామికవేత్తలు కూడా ఈ సమ్మిట్ లో పాల్గొంటున్నారు. ప్రముఖ పారిశ్రామిక వేత్త ముఖేశ్ అంబానీ, జీఎంఆర్ సంస్థ ప్రతినిధులు కూడా ఈ సమ్మిట్ కు హాజరయ్యారు. ప్రత్యేక విమానంలో విశాఖ చేరుకున్న అంబానీకి రాష్ట్రప్రభుత్వం తరపున మంత్రి రజనీ, ఎంపీ విజయసాయిరెడ్డి స్వాగతం పలికారు.
★ CM @ysjagan With Mukesh Ambani At Global Investors Summit – 2023 , Vizag #AdvantageAP #GIS2023 #Vizag #GlobalInvestorsSummit2023 #Visakhapatnam #CMYSJagan #AndhraPradesh pic.twitter.com/bKmOxcnHrr
— Vizag – The City Of Destiny (@Justice_4Vizag) March 3, 2023
కాగా ఈ సమ్మిట్ ప్రభుత్వం అత్యంత ప్రాధాన్యత ఇచ్చింది. ఇందులో పాల్గొన్న పారిశ్రామికవేత్తల్లో 21మంది ప్రసంగిస్తారు. కేంద్రమంత్రి నితిన్ గడ్కరీ, కీలక ఉపన్యాసం చేయనున్నారు. సుమారు రెండు లక్షల కోట్లకు పైగా ఒప్పందాలు చేసుకోవాలన్న ఆలోచనలో ప్రభుత్వం ఉన్నట్లు సమాచారం. ఈ సమ్మిట్లో పాల్గొనేందుకు ఏపీ సీఎం జగన్ నిన్న సాయంత్రమే విశాఖకు చేరుకున్నారు.
