Good opportunity for women..181 jobs advertisement released
mictv telugu

మహిళలకు కేసీఆర్ తీపికబురు..181 ఈవో ఉద్యోగాలకు ప్రకటన

August 29, 2022

తెలంగాణ రాష్ట్ర ప్రభుత్వం గతకొన్ని నెలలుగా ఆయా ప్రభుత్వ శాఖల్లో ఖాళీగా ఉన్న ఉద్యోగాలకు ప్రకటనలు విడుదల చేసిన విషయం తెలిసిందే. ఇందులో గ్రూప్ 1 ఉద్యోగాలు, పోలీసు ఉద్యోగాలు, వైద్య ఉద్యోగాలు, విద్యుత్ శాఖకు సంబంధించి ఉద్యోగాలకు ప్రకటనలు విడుదల చేసింది. తాజాగా కేవలం మహిళలకు సంబంధించి, 181 ఉద్యోగాలకు ప్రకటన విడుదల చేసింది. విడుదల చేసిన ఈ 181 ఉద్యోగాలు ఏ శాఖకు సంబంధించినవి? ఉద్యోగాలకు అర్హతలు ఏంటీ? దరఖాస్తులు ఎలా చేసుకోవాలి? అనే తదితర విషయాలను అధికారుల వెల్లడించారు.

”టీఎస్‌పీఎస్సీ ద్వారా..మహిళా అభివృద్ధి, శిశు సంక్షేమ శాఖలో ఖాళీగా ఉన్న 181 గ్రేడ్-1 ఎక్స్టెన్షన్ ఆఫీసర్లు, సూపర్వైజర్ల ఉద్యోగాలకు ప్రకటన విడుదల చేసింది. వీటికి మహిళా అభ్యర్థులు మాత్రమే అర్హులు. నిర్దేశించిన సబ్జెక్టులతో గ్రాడ్యుయేషన్ పూర్తిచేసుకున్నవారు దరఖాస్తు చేసుకోవచ్చు. జోన్ల వారీగా ఖాళీలు: 1 కాళేశ్వరం 26, బాసర- 27, రాజన్న- 29, భద్రాద్రి- 28, యాదాద్రి- 21, చార్మినార్- 21, జోగులాంబ- 31గా ఉన్నాయి.

ఈ ఉద్యోగాలకు అర్హతలు.. బ్యాచిలర్స్ డిగ్రీ(హోమ్ సైన్స్/ సోషల్ వర్క్/ సోషియాలజీ) లేదా బీఎస్సీ (ఫుడ్ సైన్స్ & న్యూట్రిషన్), లేదా బీఎస్సీ (ఫుడ్ & న్యూట్రిషన్, బోటనీ/ జువాలజీ & కెమిస్ట్రీ), బీఎస్సీ (ఆ షైడ్ న్యూట్రిషన్ & పబ్లిక్ హెల్త్, బోటనీ/ జువాలజీ & కెమిస్టీ). లేదా బీఎస్సీ(క్లినికల్ న్యూట్రిషన్ & డైటెటిక్స్, బోటనీ, జువాలజీ & కెమిస్టీ). లేదా బీఎస్సీ (ఆప్టైడ్ న్యూట్రిషన్, బోటనీ/ జువాలజీ & కెమిస్ట్రీ/ బయోకెమిస్ట్రీ) లేదా బీఎస్సీ (ఫుడ్ సైన్సెస్ & క్వాలిటీ కంట్రోల్, జువాలజీ బోటనీ & కెమిస్ట్రీ! బయోలాజికల్ కెమిస్ట్రీలో ఉత్తీర్ణత సాధించిన వారు అర్హులు.

ఇక, వయసు విషయానికొస్తే.. 01/07/2022 నాటికి 18 – 44 సంవత్సరాలు ఉండాలి. దరఖాస్తు రుసుము రూ. 200, రాత పరీక్షలో రెండు పేపర్లో ఉంటుంది. పేపర్-1(జనరల్ స్టడీస్ అండ్ జనరల్, ఎబిలిటీస్), పేపర్-2 సంబంధిత సబ్జెక్టు (డిగ్రీ స్థాయి)లో ప్రశ్నలుంటాయి.పేపర్-1లో 150 ప్రశ్నలు, పేపర్-2లో 150 ప్రశ్నలు కలిపి మొత్తం 300 ప్రశ్నలు ఉంటాయి. ఆన్లైన్ దరఖాస్తులు 08.09.2022 నుంచి ప్రారంభమై 29.09.2022 ముగుస్తుంది. పరీక్ష(ఆబ్జెక్టివ్ టైప్) డిసెంబర్, 2022లో ఉంటుంది. అధికారిక వెబ్ సైట్: https://www.tspsc.gov.in/ను సందర్శించండి”అని అధికారులు తెలిపారు.