గుడ్‌న్యూస్.. 177 పోస్టులకు నోటిఫికేషన్ విడుదల - MicTv.in - Telugu News
mictv telugu

గుడ్‌న్యూస్.. 177 పోస్టులకు నోటిఫికేషన్ విడుదల

June 17, 2022

తెలంగాణ రాష్ట్ర ప్రభుత్వం 33 జిల్లాల నిరుద్యోగులకు మరో శుభవార్తను చెప్పింది. సింగరేణిలో ఖాళీగా ఉన్న 177 జూనియర్‌ అసిస్టెంట్‌ గ్రేడ్‌–2 (క్లర్కు)ల పోస్టులకు గురువారం నోటిఫికేషన్‌ విడుదల చేసింది. ఈ ఉద్యోగాలకు కంప్యూటర్స్‌/ ఐటీ ఒక సబ్జెక్టుగా బ్యాచిలర్‌ డిగ్రీ, ఏదైనా బ్యాచిలర్‌ డిగ్రీతోపాటు కంప్యూటర్స్‌లో డిగ్రీ/ డిప్లొమా/6 నెలల సర్టిఫికెట్‌ కోర్సు చేసిన వారు అర్హులని అధికారులు తెలిపారు. ఇక వయసు విషయానికొస్తే.. గరిష్ట వయోపరిమితి 30 ఏళ్లు, ఎస్సీ, ఎస్టీ, బీసీలకు 5 ఏళ్ల మినహాయింపు ఉంటుందని పేర్కొన్నారు.

సంస్థ డైరెక్టర్‌ ఎన్‌.బలరామ్‌ మాట్లాడుతూ..” సింగరేణిలో ఖాళీగా ఉన్న 177 జూనియర్‌ అసిస్టెంట్‌ గ్రేడ్‌–2 పోస్టులకు ప్రకటన వెలువడింది. ఇవి క్లర్కు ఉద్యోగాలు. ఈ ఉద్యోగాల్లో 95 శాతం లోకల్‌ అంటే ఉమ్మడి ఖమ్మం, కరీంనగర్, ఆదిలాబాద్, వరంగల్‌ జిల్లాలకు చెందిన అభ్యర్థులకు మాత్రమే వర్తిసాయి. మిగిలిన 5 శాతం పోస్టులు అన్‌ రిజర్వుడ్‌ కోటా కింద ఓపెన్‌ టు ఆల్‌ ( అంటే తెలంగాణలోని అన్ని జిల్లాల అభ్యర్థుల)కు వర్తిసాయి. ఈ ఉద్యోగాలకు రాత పరీక్షలో వచ్చిన మార్కుల ఆధారంగానే ఎంపిక చేస్తాం. ఆన్‌లైన్‌లో ఈ నెల 20 నుంచి జూలై 10 వరకు దరఖాస్తులు చేసుకోవచ్చు. అధికారికి వెబ్‌సైట్ www.scclmines.comను సంప్రదించండి” అని ఆయన అన్నారు.