ఫస్ట్‌నైట్‌కి భయపడి సూసైడ్ చేసుకున్న వరుడు - MicTv.in - Telugu News
mictv telugu

ఫస్ట్‌నైట్‌కి భయపడి సూసైడ్ చేసుకున్న వరుడు

April 20, 2022

05

పెళ్లైన కొత్త జంట శోభనం రాత్రి ఎప్పుడవుతుందా? అని ఎదురు చూస్తూ ఉంటారు. ఉత్సాహంతో, ఆనందంతో గడపాలని కలలు కంటారు. కానీ, ఓ వరుడు మాత్రం భయంతో ఆత్మహత్య చేసుకున్నాడు. స్థానికంగా చర్చనీయాంశమైన ఈ సంఘటన ఆంధ్రప్రదేశ్‌లోని గుంటూరు జిల్లాలో జరిగింది. మాచర్లకు చెందిన కిరణ్ కుమార్ అనే యువకుడికి తెనాలికి చెందిన యువతితో ఈ నెల 11న వివాహం జరిగింది. 12వ తదీన వధువును తీసుకొని వరుడు మాచర్లకు వెళ్ళిపోయాడు. నాలుగు రోజుల తర్వాత 16వ తేదీన తెనాలిలో మొదటి రాత్రి ఏర్పాటు చేయడంతో భార్యను తీసుకొని మాచర్ల నుంచి తెనాలికి బయలుదేరాడు. సాయంత్రం నాలుగు గంటల సమయంలో గుంటూరు బస్టాండుకు రాగానే ఇప్పుడే వస్తానని చెప్పి కనబడకుండా వెళ్లిపోయాడు. రాత్రి వరకు ఎదురు చూసిన నూతన వధువు తన బంధువులకు సమాచారమిచ్చింది. ఎన్నిసార్లు ఫోన్ చేసినా స్విచ్ఛాఫ్ రావడంతో చేసేది లేక, చీకటి పడుతుందని తెనాలి వెళ్లిపోయారు. ఇదిలా ఉండగా, కృష్ణా నది ఎగువన ఓ గుర్తు తెలియని మృతదేహం ఉందిన పోలీసులకు సమాచారం రావడంతో వారు శవాన్ని వెలికి తీశారు. జేబులో ఉన్న ఫోన్ సిమ్ తీసి బంధువులకు సమాచారమందించారు. మృతుడి తల్లి వచ్చి గుర్తు పట్టడంతో మృతదేహాన్ని అప్పగించారు. కేసు నమోదు చేసుకొని దర్యాప్తు చేస్తున్నారు. కాగా, మొదటి రాత్రి అంటే తన కొడుకు భయపడ్డాడని, స్నేహితులు ఎంత ధైర్యం చెప్పినా ఆత్మ హత్య చేసుకొని తమకు, నూతన భార్యకు అన్యాయం చేశాడని అతని తల్లి ఆవేదన వ్యక్తం చేసింది.