Hero Varun Dhawan seemingly confirms Kriti Sanon is dating with Prabhas
mictv telugu

ప్రభాస్‌తో కృతిసనన్ డేటింగ్?.. మేటర్ లీక్ చేసిన హీరో!

November 28, 2022

Hero Varun Dhawan seemingly confirms Kriti Sanon is dating with Prabhas

బాలీవుడ్‌ ముద్దుగుమ్మ కృతిసనన్‌.. కొన్ని రోజుల క్రితం ఓ టీవీ ఛానెల్‌కు ఇచ్చిన ఇంటర్వ్యూలో పాన్ ఇండియా స్టార్ ప్రభాస్‌ను పెళ్లాడుతానంటూ తన మనసులో మాటను బయటపెట్టింది. అయితే ఇదేదో చిట్‌చాట్ ప్రొగ్రాంలో సరాదాగా అడిగిన ప్రశ్నకు సమాధానం అని అనుకున్నారంతా. కానీ చూస్తుంటే ఆ సమాధానమే నిజమనుకునేలా బాలీవుడ్ హీరో వరుణ్ ధావన్ చేసిన వ్యాఖ్యలు అటు ఇండస్ట్రీతో పాటు, ఇటు ప్రభాస్ అభిమానుల్లో కూడా ఆసక్తి రేపుతున్నాయి. కృతిసనన్.. ప్రభాస్‌తో రిలేషన్ ఉన్నట్లుగా ఓ హింట్ ఇచ్చాడు వరుణ్ ధావన్.

తన రాబోయే సినిమా ‘భేదియా’ ప్రమోషన్స్‌లో భాగంగా ఓ రియాల్టీ షోలో పాల్గొన్న వరుణ్.. తన లిస్ట్‌లో కృతిసనన్ లేదని, ఆమె పేరు మరొకరి హృదయంలో ఉందని చెప్పాడు. ఆ వ్యక్తి ప్రస్తుతం ముంబయిలో లేడని, వేరే ప్రాంతంలో హీరోయిన దీపికా పదుకొణెతో కలిసి షూట్‌లో ఉన్నాడఅని చెప్పాడు. వరుణ్ చేసిన ఈ కామెంట్స్ వైరల్‌గా మారాయి. కారణం.. ప్రస్తుతం ప్రభాస్ నాగ్ అశ్విన్ దర్శకత్వంలో వస్తున్న ప్రాజెక్ట్ కే లో నటిస్తున్నాడు. ఈ సినిమాలో దీపికా పదుకుణెనే హీరోయిన్. అతని కామెంట్స్ బట్టి.. వరుణ్‌ మాట్లాడుతున్నది ప్రభాస్‌ గురించేనని అంటున్నారు నెటిజన్లు. ప్రభాస్ మనస్సుతో కృతి ఉంది కాబట్టే ఇంకా అతను పెళ్లి చేసుకోలేదని, త్వరలోనే వీరిద్దరూ పెళ్లాడబోతున్నారంటూ కామెంట్స్ రూపంలో రకరకాలుగా చెప్పుకుంటున్నారు.

ఈ విషయంపై ప్రభాస్‌ ఫ్యాన్స్‌ ఆగ్రహం వ్యక్తం చేస్తున్నారు. ‘సినిమా ప్రమోషన్‌ కోసం తమ అభిమాన హీరో, పాన్ ఇండియా స్టార్ పేరుని ఇంతలా వాడుతున్నారేంటి?’ అంటూ మండిపడుతున్నారు. ప్రభాస్ పక్కన కృతిసనన్ కేవలం హీరోయిన్ మాత్రమేనని, భార్య కాదంటూ ఆ కామెంట్లకు కౌంటర్లు ఇస్తున్నారు. ప్రభాస్‌-కృతిసనన్‌ ‘ఆదిపురుష్‌’ కోసం కలిసి పనిచేసిన విషయం తెలిసిందే. రామాయణాన్ని ఆధారంగా చేసుకుని తెరకెక్కిన ఈ సినిమాలో రాముడిగా ప్రభాస్‌, సీతగా కృతిసనన్‌ నటించారు.