Home made Orange peel face packs for all types of skin
mictv telugu

‘తొక్క’తో కాంతివంతమైన చర్మం మీ సొంతం!

January 3, 2023


తొక్కే కదా అని తీసిపారేస్తాం. కానీ అదే తొక్కతో అందాన్ని రెట్టింపు చేసుకోవచ్చు. నారింజ పండు తిన్న తర్వాత ఆ ఇక నుంచి తొక్కను పడేయకండి. అందాన్ని సంరక్షించే ఫేస్ ప్యాక్స్ ఎలా వేసుకోవాలో చెబుతాం ట్రై చేయండి.
నారింజ పండ్లలో విటమిన్ సి పుష్కలంగా ఉంటుంది. ఆరోగ్య ప్రయోజనాలే కాదు.. అందాన్ని పెంచే లక్షణాలు కూడా బోలెడు. యాంటీ ఆక్సిడెంట్ల ఉన్న ఈ తొక్కతో మరికొన్ని కలుపాల్సి ఉంటుంది. ఆ ఫేస్ ప్యాక్ లు ఎలా వేసుకోవాలో చూడండి. అయితే ముందుగా ఈ తొక్కలను ఎండబెట్టి పొడి చేసుకోవాలి. వీటిని ఒక గాలి చొరబడని కంటెయినర్ లో పెట్టుకోవాలి. కావాల్సినప్పుడు వీటిని వాడుకోవచ్చు.

కొబ్బరినూనెతో..
నారింజ పొడిలో పాలు, కొబ్బరి నూనె వేసి బాగా కలుపాలి. ఇది చర్మం ప్రకాశవంతం చేయడానికి ఉపయోగపడుతుంది. ఈ ప్యాక్ ను వేసుకొని పావుగంట సేపు అలాగే ఉంచాలి. ఆ తర్వాత కడిగేయాలి. ఇలా వారానికి రెండు లేదా మూడుసార్లు చేస్తే మంచి ప్రయోజనం ఉంటుంది.

ఓట్స్ తో..
ఒక గిన్నెలో 2 టీస్పూన్ల నారింజ తొక్క పొడి, ఒక టీస్పూన్ ఓట్మీల్, చిటికెడు బేకింగ్ సోడా వేసి కలుపాలి. ముఖానికి, మెడకు రాసి ఆరనివ్వాలి. వారానికి రెండు సార్లు ఇలా చేయాలి. మొటిమల నివారణకు ఈ ప్యాక్ ఉపయోగించవచ్చు. కావాలనుకుంటే దీనికి చిటికెడు పసుపు కూడా కలుపుకోవచ్చు.

చందనం..
ఆరెంజ్ పౌడర్ లో, ఒక టీస్పూన్ చందనం, ఒక టీస్పూన్ వాల్ నట్ పౌడర్ వేసి కలుపాలి. ఆ తర్వాత 2 నుంచి 3 చుక్కల నిమ్మరసం, కొద్దిగా నీళ్లు పోసి కలుపాలి. ఈ ఫేస్ ప్యాక్ ముఖానికి రాసి ఆరేంత వరకు అలాగే ఉంచాలి. గోరువెచ్చని నీటితో కడిగితే మెరిసే చర్మం మీ సొంతమవుతుంది.

ముల్తానీ మట్టి..
జిడ్డు చర్మానికి ఈ ఫేస్ ప్యాక్ సరిగ్గా సరిపోతుంది. ఒక టీస్పూన్ ఆరెంజ్ పీల్ పౌడర్, ఒక టీస్పూన్ ముల్తానీ మట్టి, కొద్దిగా రోజ్ వాటర్ వేసి మెత్తని పేస్ట్ లా చేయాలి. దీన్ని ముఖానికి రాయాలి. ఆ తర్వాత కడిగేయాలి. దీనివల్ల మృతకణాలు తొలిగిపోతాయి.

పాలతో..
ఆరెంజ్ పీల్ పౌడర్ లో కొన్ని పాలు పోసి కలుపాలి. దీంట్లో కొన్ని చుక్కలు కొబ్బరి నూనె కూడా కలుపుకోవచ్చు. ఈ మిశ్రమాన్ని ముఖానికి రాసి ఆరిన తర్వాత గోరువెచ్చని నీటితో కడిగేయాలి. పొడిచర్మం ఉన్నవారికి ఈ ప్యాక్ బాగా పనిచేస్తుంది. అద్భుతమైన మెరుపు మీ సొంతమవుతుంది.