వాయిదా దిశగా టి20 వరల్డ్ కప్..ఐసీసీ ముందు 3 ఆప్షన్స్ - MicTv.in - Telugu News
mictv telugu

వాయిదా దిశగా టి20 వరల్డ్ కప్..ఐసీసీ ముందు 3 ఆప్షన్స్

May 15, 2020

Icc

కరోనా కారణంగా ఎన్నో మెగా స్పోర్ట్స్ ఈవెంట్స్ రద్దు అవుతున్నాయి. ఇప్పటికే టోక్యో ఒలింపిక్స్ వచ్చే సంత్సరానికి వాయిదా పడ్డ సంగతి తెల్సిందే. అలాగే భారత్ జరగాల్సిన ఐపీఎల్ టోర్నీ రద్దు అయింది. ఇదిలా ఉంటే ఆస్ట్రేలియాలో ఈ ఏడాది అక్టోబర్, నవంబర్‌ మధ్యకాలంలో జరగాల్సిన ఐసీసీ టి20 వరల్డ్ కప్ సిరీస్ కూడా వాయిదా పడే అవకాశం ఉందని తెలుస్తోంది. 

ఈ నెల 28 జరగనున్న ఐసీసీ గవర్నింగ్ బాడీ మీటింగ్ లో టీ20 వరల్డ్ కప్ భవితవ్యంపై ఐసీసీ పెద్దలు ఓ నిర్ణయం తీసుకోనున్నారు. ఐసీసీ టి20 వరల్డ్ కప్ సిరీస్‌ గురించి ఐసీసీ పెద్దల ముందు మూడు ఆప్షన్స్ ఉన్నాయని క్రికెట్ విశ్లేషకులు తెలుపుతున్నారు. ఒకటి ఈ టోర్నీని 2022కు వాయిదా వేయడం. లేదా ఈ టోర్నీకి వచ్చే అన్ని దేశాల ఆటగాళ్లను ముందుగానే ఆస్ట్రేలియాకు తీసుకొచ్చి 14 రోజులు క్వారంటైన్‌లో ఉంచి ఆ తరువాత వారిని క్రికెట్ ఆడేందుకు అనుమతిస్తారని తెలుస్తోంది. లేదా ప్రేక్షకులు లేకుండా ఖాళీ స్టేడియాల్లో మ్యాచ్ లను నిర్వహించడం. ఈ మూడింటిలో ఐసీసీ ఏదో ఒక నిర్ణయం తీసుకోనుంది.