Identification of monkeypox symptoms in Kerala person
mictv telugu

దేశంలో ప్రవేశించిన మంకీపాక్స్.. కేరళ ప్రయాణీకుడిలో లక్షణాల గుర్తింపు

July 14, 2022

ఇప్పటివరకు 59 దేశాలకు పాకిన మంకీపాక్స్ వ్యాధి మొదటి సారి భారతదేశంలో ప్రవేశించింది. యునైటెడ్ అరబ్ ఎమిరేట్స్ నుంచి కేరళకు వచ్చిన ఓ ప్రయాణీకుడిలో ఆ లక్షణాలు కనిపించాయని ఆరోగ్య శాఖ మంత్రి వీణా జార్జ్ తెలిపారు. వ్యక్తి నుంచి శాంపిల్స్ సేకరించి పుణెలోని వైరాలజీ ఇన్‌స్టిట్యూట్‌కు పంపామని, గురువారం సాయంత్రంలోగా అక్కడ నుంచి రిపోర్టు వస్తుందన్నారు. కాగా, 1958లో కోతుల్లో ఈ వైరస్ బయటపడడంతో దీనికి మంకీపాక్స్ అనే పేరు పెట్టారు. ఈ వైరస్ మశూచి కుటుంబానికి చెందినది. ప్రపంచవ్యాప్తంగా ఇప్పటివరకు 8200 కేసులు నమోదయ్యాయి. ఒక్క అమెరికాలోనే దాదాపు 800 కేసులు బయటపడ్డాయి.