బోర్డర్-గవాస్కర్ ట్రోఫీని 2-1తో గెలిచిన టీమ్ ఇండియా ఇప్పుడు వన్డేలకు సిద్ధమైంది.వన్డే ప్రపంచకప్ ముందర బలమైన ఆస్ట్రేలియాతో అమీతుమీ తేల్చుకోనుంది. టెస్ట్ సిరీస్ విజయంతో టీమ్ ఇండియా ఐసిసి వరల్డ్ టెస్ట్ ఛాంపియన్ షిప్ లో ఫైనల్ కు కూడా బెర్త్ను ఖరారు చేసుకుంది. వన్డే ఫార్మాట్లో ఇయర్ సూపర్ గా ప్రారంభించిన టీమ్ ఇండియా ఇప్పడు కూడా అదే జోరును కొనసాగించాలని చూస్తోంది.
ప్రస్తుతం టీమ్ ఇండియా దృష్టంతా వరల్డ్ కప్ మీదనే ఉంది. దానికి ముందు జరుగుతున్న ఈ వన్డే ఎలా అయినా గెలవాలని చూస్తోంది. మరోవైపు ఆస్ట్రేలియా కూడా అదే ఆలోచనలో ఉన్నట్టు తెలుస్తోంది. అసలే టెస్ట్ మ్యాచ్ లు ఓడిపోయి బాధలో ఉన్న ఆస్ట్రేలియా కనీసం వన్టేల్లో అయినా పరువు నిలబెట్టుకోవాలని చూస్తోంది. ఇక ఈరోజు జరగనున్న తొలి వన్డేకు హార్దిక్ పాండ్యా కెప్టెన్ గా వ్యవహరించనున్నాడు. తొలి వన్డేలో వ్యక్తిగత కారణాలతో కెప్టెన్ రోహిత్ దూరమయ్యాడు. తన కుటుంబానికి సంబంధించిన పనిలో మొదటి మ్యాచ్ కు హాజరుకావడం లేదు.దీంతో హార్ధిక్ పాండ్యా టీమిండియా కెప్టెన్ గా తొలి వన్డేను లీడ్ చేయనున్నాడు. రెండో వన్డేకు రోహిత్ వస్తాడు. రెండు జట్ల మధ్య మొదటి వన్డేకు ముందు మాట్లాడిన స్టాండ్-ఇన్ కెప్టెన్ పాండ్యా టీంలోకి సూపర్ స్టార్ ఇషాన్ కిషన్ ఇన్-ఫామ్ బ్యాటర్ శుభ్మాన్ గిల్ ఓపెనింగ్ ఇన్నింగ్స్ను ప్రారంభిస్తారని చెప్పాడు.
శుభ్ మన్ గిల్ మంచి ఫామ్ లో ఉండడం భారత్ కు కలిసివచ్చే అంశం. మరోవైపు కోహ్లీ కూడా ఫామ్ లోకి వచ్చేశాడు. దీనికి ముందు జరిగిన మ్యాచ్ లలో మంచి పగటుతో స్కోర్ చేసిన కోహ్లీ ఇప్పుడు కూడా జట్టుకు అండగా నిలుస్తాడని ఆశిస్తున్నారు. రాహుల్ వికెట్ కీపింగ్ చేసే అవకాశం ఉంది. ఇక సూర్యకుమార్, హార్దిక్, జడేజాలతో బ్యాటింగ్ లైనప్ పటిష్టంగా కనిపిస్తోంది.
అయితే ప్రీమియర్ పేసర్ జస్ప్రీత్ బుమ్రా సేవలను కోల్పోయిన ఆతిథ్య జట్టు వన్డే సిరీస్కు ముందు భారీ ఎదురుదెబ్బ తగిలింది. మిడిల్ ఆర్డర్ బ్యాటర్ శ్రేయాస్ అయ్యర్ భారత్-ఆస్ట్రేలియా మధ్య జరిగే మొత్తం వన్డే సిరీస్కు దూరమయ్యాడు. వెన్నులో గాయం పునరావృతం కావడంతో ముంబై బ్యాటర్ వన్డే సిరీస్కు దూరమయ్యాడు. వన్డే సిరీస్కి అయ్యర్ స్థానంలో భారత జట్టులోకి ఇంకొకరిని తీసుకోలేదు. ఇవి ఏమైనా జట్టును ప్రభావితం చేస్తాయాన్నది చూడాల్సిందే.
మరోవైపు ఆస్ట్రేలియా బలంగా ఉంది. డేవిడ్ వార్నర్ రాకతో పటిష్టంగా తయారైంది. కమిన్స్ గైర్హాజరీలో స్టీవ్ స్మిత్ కెప్టెన్ గా వన్డేలకు సిద్ధమైంది. గ్రీన్ స్మిత్ వార్నర్ వంటి బలమైన ఆటగాళ్ళు ఆ టీమ్ లో ఉన్నారు.
భారత్-ఆస్ట్రేలియా మధ్య జరిగే వన్డే సిరీస్ మొదటి మ్యాచ్ ను డిస్నీ+హాట్ స్టార్ లో స్టార్ స్పోర్ట్స్ లో ప్రేక్షకులు చూడొచ్చు. ముంబయ్ వాంఖడే స్టేడియంలో జరుగుతున్న ఈ మ్యాచ్ మధ్యాహ్నం 1.30 నుంచి ప్రసారం అవుతుంది.
భారత్ వర్సెస్ ఆస్ట్రేలియా తొలి వన్డే శుక్రవారం (మార్చి 17) జరగనుంది. 1వ వన్డే మధ్యాహ్నం 1:30 గంటలకు ప్రారంభమవుతుంది. తొలి వన్డే ముంబైలోని వాంఖడే స్టేడియంలో జరగనుంది.
