భారత్‌తో జరుగుతున్న రెండో టెస్ట్‌లో ఆసీస్ మొదటి ఇన్నింగ్స్ మొదటిరోజే ముగిసింది. భారత్ బౌలర్లు మరోసారి విజృంభించడంతో ఆస్ట్రేలియా 263 పరుగులకు ఆలౌట్ అయ్యింది. ఖవాజా 81, హ్యాండ్స్ కాంబ్ 72* పరుగులతో రాణించారు. పాట్ కమ్మిన్స్ 33 పరుగులు చేశాడు. స్మిత్ (0), వార్నర్(15),లబుషేన్(18) విఫలమయ్యారు. హెడ్(12), అలెక్స్ క్యారీ(0) నిరాశపరిచారు. అశ్విన్ నాలుగు, షమీ, జడేజా మూడేసి వికెట్లు దక్కించుకున్నారు. మొదట ఆస్ట్రేలియాను ఖవాజా ఆదుకోగా తర్వాత హ్యాండ్స్ కాంబ్ ఇన్నింగ్స్ను నిలబెట్టాడు. 168 పరుగులకే 6 వికెట్లు కోల్పోయి కష్టాల్లో పడిన ఆసీస్‌ను హ్యాండ్స్ కాంబ్-కమ్మిన్స్ జోడి ముందుకు నడిపింది. వీరిద్దరు 7వ వికెట్‌కు 59 పరుగులు జోడించి జట్టు మోస్తరు స్కోరు సాధించడంలో కీలక పాత్ర పోషించారు.
ఆసీస్ ఇన్నింగ్స్ ముగియగానే భారత్ తన బ్యాటింగ్ను ప్రారంభించింది. ఓపెనర్లు రోహిత్ శర్మ(7), కేఎల్ రాహుల్(1) బ్యాటింగ్ క్రీజ్లో ఉన్నారు.ప్రస్తుత భారత్ 3 ఓవర్లలో 12 పరుగులు చేసింది.
