Israeli scientists developed artificial embryos
mictv telugu

అద్భుతం.. వీర్యంతో పనిలేకుండా కృత్రిమ పిండం

August 5, 2022

ఆడ, మగ ఇద్దరూ కలిస్తేనే పిల్లలు పుడతారనేది ప్రకృతి ధర్మం. కానీ, కాలక్రమేణా పిల్లలు పుట్టడానికి వేర్వేరు పద్ధతులు పుట్టుకొచ్చాయి. అందులో ఐవీఎఫ్ ఒకటి. అయితే ఇప్పుడు అలాంటి వాటి అవసరం లేకుండా కృత్రిమంగా మనుషులను పుట్టించే రోజులు దగ్గరలోనే ఉన్నాయి. ఈ క్రమంలో ఇజ్రాయెల్ శాస్త్రవేత్తలు అద్భుతాన్ని కనుగొన్నారు. వీర్య కణాలతో పనిలేకుండా ఓ కృత్రిమ పిండాన్ని సృష్టించారు. ఇందుకు తల్లి గర్భం కూడా అవసరం లేదు. ఓ చిన్న పాత్రలో సింథటిక్ పొరను ఏర్పరిచి, అందులో తల్లి గర్భంలోని వాతావరణాన్ని క్రియేట్ చేశారు. అందులో కేవలం రక్తకణాలతోనే ఓ పిండాన్ని అభివృద్ధి చేశారు. దీనితో కణజాలంతో పాటు శరీర భాగాలు వృద్ది చెందాయని శాస్త్రవేత్తలు తెలిపారు. ఇలా కృత్రిమ పిండాన్ని రూపొందిండం ప్రపంచంలో ఇదే తొలిసారి.