ఆస్ట్రేలియాలో హిందూ ఆలయాలపై దాడులు ఇటీవలి కాలంలో బాగా పెరిగాయి. దీని కారణంగా, ఇప్పుడు భారత హైకమిషనర్‌తో సహా చాలా మందికి ప్రాణహాని ఉంది. ఖలిస్తానీ వేర్పాటువాద సంస్థ సిక్కు ఫర్ జస్టిస్ (SFJ) అధినేత గురుపత్వంత్ సింగ్ పన్ను ఒక వీడియోను విడుదల చేసి భారత హైకమిషనర్‌ను బెదిరించారు. వేర్పాటువాదులను కూడా రెచ్చగొట్టాడు. ఖలిస్తాన్ మద్దతుదారు కూడా పోస్టర్‌ను షేర్ చేశారు. ఇందులో సిక్కు అల్లర్ల ప్రస్తావన ఉంది. ‘ఈ దాడులను సహించేది లేదు’ అని భారతదేశంలో ఖలిస్తానీ మద్దతుదారులు జరిపిన దాడుల గురించి ఆస్ట్రేలియా ప్రధాని స్పష్టం చేయడానికి ఒక రోజు ముందు, భారత హైకమిషనర్‌ను బెదిరించారు.
పన్నూ విడుదల చేసిన వీడియోలో కాన్‌బెర్రాలోని భారత హైకమిషనర్ మన్‌ప్రీత్ వోహ్రా, బ్రిస్బేన్‌లోని కాన్సుల్ జనరల్ (గౌరవ కాన్సుల్ జనరల్) అర్చన సింగ్‌ను బెదిరించినట్లు సమాచారం. ఆస్ట్రేలియా టుడే జర్నలిస్టులను కూడా SFJ బెదిరించింది. పన్నూ వారిని హిందూత్వ మూకగా సంబోధిస్తూ, వారి మద్దతుదారులకు హాని కలిగించాలని విజ్ఞప్తి చేశారు. భారత హైకమిషన్ ఈ విషయాన్ని సీరియస్‌గా తీసుకుంది. ప్రమాదం గురించి ఆందోళన వ్యక్తం చేసింది. దీంతో, ఆస్ట్రేలియా భద్రతా ఏజెన్సీలను సంప్రదించారు.
ఒక రోజు ముందు శనివారం, ఆస్ట్రేలియా ప్రధాన మంత్రి ఆంథోనీ అల్బనీస్ న్యూ ఢిల్లీలో విలేకరుల సమావేశంలో ప్రసంగిస్తూ – ఆస్ట్రేలియా ఎటువంటి విధ్వంసాలను, మతపరమైన ప్రదేశాలపై దాడులను సహించదు. హిందూ దేవాలయాలపై దాడులు చేసే వారికి ఆస్ట్రేలియాలో చోటు లేదన్నారు. అంతకుముందు, శుక్రవారం భారత్, ఆస్ట్రేలియా మధ్య ఒప్పందాలు, పత్రికా ప్రకటనలు జరిగాయి. ఆస్ట్రేలియాలోని దేవాలయాలపై ఇటీవల జరిగిన దాడులపై భారత ప్రధాని నరేంద్ర మోదీ ఆందోళన వ్యక్తం చేశారు. దీనికి, ఆస్ట్రేలియాలోని భారతీయ సమాజం భద్రత, శ్రేయస్సు తనకు ప్రాధాన్యత అని అల్బనీస్ హామీ ఇచ్చారు..
