last road of india dhanushkodi town in tamilnadu attractive video trending in internet
mictv telugu

భారతదేశపు డెడ్ ఎండ్ రోడ్డు.. వీడియో వైరల్

July 27, 2022

last road of india dhanushkodi town in tamilnadu attractive video trending in internet

భారతదేశంలో మనకు తెలియని ఎన్నో వింతలు, విశేషాలు దాగి ఉన్నాయి.ఎన్నో అందమైన, ఆహ్లాదకరమైన పర్యాటక ప్రదేశాలు కూడా ఉన్నాయి. జీవితాంతం తిరిగినా ఇంకా చూడాల్సిన ఎన్నో ప్రకృతి అందాలు మన దేశంలోనే ఉన్నాయంటే అతిశయోక్తి కాదు.అయితే ఇప్పుడు చెప్పబోయే ఓ ప్రదేశం కాస్త ప్రత్యేకం అనే చెప్పాలి.

ఎందుకంటే ఈ ప్రదేశం మన దేశానికి చివరి రోడ్డు మార్గం. తమిళనాడుకు చెందిన పాంబన్ దీవుల్లో ఆగ్నేయ ప్రాంతంలో ధనుష్కోడి అనే పట్టణంలో నిర్జన అనే గ్రామం ఉంది. ఈ గ్రామాన్ని భారతదేశ చివరి భూమిగా అభివర్ణిస్తారు.ఎందుకంటే ఈ ప్రాంతంతోనే మన భారతదేశ రోడ్డు ముగుస్తుంది. ఈ ధనుష్కోడి నుంచి 31 కిలోమీటర్ల ప్రయాణం చేస్తే శ్రీలంక దేశం వచ్చేస్తుంది.

కాగా.. ఈ రోడ్డుకు సంబంధించిన వీడియో సోషల్ మీడియాలో బాగా వైరల్ అవుతోంది. అందులో రోడ్లు, దాని పరిసరాలు చాలా అందంగా కనిపిస్తాయి. డ్రోన్ ద్వారా చూస్తే ఒక పెద్ద శివలింగంలా కనిపిస్తుంది. ట్విట్టర్‌లో షేర్ చేసిన కేవలం 15 సెకన్ల ఈ వీడియోను ఇప్పటివరకు 3 లక్షల 46 వేలకు పైగా వ్యూస్ వచ్చాయి. వేలాది మంది ప్రజలు వీడియోను లైక్ చేసి కామెంట్లు చేస్తున్నారు.