Madhya Pradesh Police Arrests Serial Killer
mictv telugu

వీడియో:కేజీఎఫ్ ఎఫెక్ట్..ఐదుగురిని హత్య చేసిన యువకుడు

September 2, 2022

దేశవ్యాప్తంగా సంచలన విజయం సాధించిన కేజీఎఫ్ సిరీస్ సినిమాలు దక్షిణాది చిత్రాల స్టామినాను మరోసారి చాటిచెప్పింది. దీంతో పాటు సినిమా ప్రభావం యువతపై ఎలాంటి ప్రభావం చూపిస్తుందో తాజా సంఘటన ద్వారా వెల్లడైంది. ఈ సినిమాను స్పూర్తిగా తీసుకొని పంతొమ్మిదేళ్ల యువకుడు వరుస హత్యలకు పాల్పడ్డాడు. పోలీసులు పట్టుకోగా, డాన్‌గా ఎదిగడమే లక్ష్యంగా ఈ పని చేసినట్టు ధైర్యంగా చెప్పడంతో పోలీసులు అవాక్కయ్యారు. స్థానిక ప్రజలను భయభ్రాంతులకు గురి చేసిన ఈ వరుస హత్యల వివరాలు ఇలా ఉన్నాయి.

మధ్యప్రదేశ్‌లోని సాగర్ ప్రాంతానికి చెందిన శివప్రసాద్ అనే యువకుడికి సినిమాలు విపరీతంగా చూసే అలవాటుంది. ఈ క్రమంలో కేజీఎఫ్ సిరీస్ సినిమాలను తెగ చూసి అందులో హీరోలా ఎదగాలని ప్లాన్ వేశాడు. అందుకు కాపలా కాసే సెక్యూరిటీ గార్డులను టార్గెట్ చేసి వరుసగా మూడు రాత్రుల్లో మూడు హత్యలు చేశాడు. మే నెలలోనూ ఓ హత్య చేశాడు. తాజాగా గతరాత్రి భోపాల్‌లో నిద్రిస్తున్న ఓ సెక్యూరిటీ గార్డును చంపి అతని మొఖంపై బూటు పెట్టి కవర్ చేశాడు.

ఇదంతా సీసీ కెమెరాల్లో రికార్డవడంతో అప్రమత్తమైన పోలీసులు సెల్‌ఫోన్ సిగ్నల్ ఆధారంగా నిందితుడిని అదుపులోకి తీసుకున్నారు. ఆ సెల్‌ఫోన్ కూడా చోరీ చేసినది కావడం గమనార్హం. విచారణలో కేజీఎఫ్‌తో పాటు తన తదుపరి టార్గెట్ పోలీసులే అని చెప్పడంతో ఒక్కసారిగా ఖంగుతినడం పోలీసుల వంతైంది.

https://www.indiatoday.in/india/story/serial-killer-caught-on-video-bashing-security-guard-madhya-pradesh-1995709-2022-09-02?jwsource=cl