మనిషి తలను 1300 కి.మీ. తీసుకెళ్లిన రైలు - MicTv.in - Telugu News
mictv telugu

మనిషి తలను 1300 కి.మీ. తీసుకెళ్లిన రైలు

October 16, 2020

Man gets hit by train in Madhya Pradesh, his head recovered in Bengaluru

మధ్యప్రదేశ్‌లోని బేతుల్ రైల్వే స్టేషన్‌ పట్టాలపై అక్టోబర్‌ 3న పోలీసులు ఓ తల లేని మొండెం దొరికింది. తల లేకపోవడంతో గుర్తించడం కష్టంగా మారింది. తాజాగా దాని తాలూకూ తల బెంగళూరు రైల్వే స్టేషన్‌లో లభ్యం అయింది. ఆ మొండెం తాలూకూ తల 1300 కిలోమీటర్లు ప్రయాణించి బెంగళూరు చేరుకుంది. రాజధాని ఎక్స్‌ప్రెస్ రైలు ఇంజన్‌కి చిక్కుకుని ఆ తల బెంగళూరుకు వెళ్ళింది. అక్టోబర్‌ 4న రైలు ఇంజన్‌కు చిక్కుకుని ఉన్న తలను బెంగళూరు రైల్వే స్టేషన్‌ సిబ్బంది గుర్తించారు. 

రైల్వే పోలీసులు ఆ తలను ఫొటో తీసి విచారణ చేపట్టారు. ఈ నేపథ్యంలో బేతుల్ రైల్వే స్టేషన్‌లో ఓ తల లేని మొండెం ఒకటి దొరికినట్లు బెంగళూరు పోలీసులకు తెలిసింది. ఆ తర్వాత మధ్యప్రదేశ్‌కు‌ చేరుకున్న బెంగళూరు పోలీసులు దర్యాప్తు చేయగా సదరు విడి భాగాలు బతుల్‌కు చెందిన రవి మర్కామ్(28)కు చెందినవిగా గుర్తించారు. ఇది హత్యా? లేక ఆత్మహత్యా? అన్న కోణంలో దర్యాప్తు చేస్తున్నారు.