కరోనా ఎవర్ని వదిలిపెట్టడం లేదు. ధనవంతుడ, పేదవాడు అనే తేడా చూపించడంలేదు. ఆడ, మగ, థర్డ్ జెండర్ అనే మినహాయింపులు ఇవ్వడం లేదు. దీంతో ప్రభుత్వాలు అందరి కోసం ప్రత్యేకంగాగ క్వారంటైన్ కేంద్రాలు ఏర్పాటు చేశాయి. అయితే ఇప్పటి వరకు ఉన్న క్వారంటైన్ కేంద్రాల్లో ట్రాన్స్ జెండర్స్‌‌కు ఎలాంటి కేటాయింపులు ఇవ్వాలనే విషయాన్ని ప్రభుత్వాలు ఆలోచించలేదు. కానీ మణిపూర్ ప్రభుత్వం మాత్రం కీలక నిర్ణయం తీసుకుంది. ట్రాన్స్ జెండర్ల కోసం ప్రత్యేక క్వారంటైన్ కేంద్రాలు ఏర్పాటు చేసింది. వారి సమస్యలను గుర్తించి ఎటువంటి ఇబ్బంది లేకుండా చేసిన ఈ పనికి పలువురు హర్షం వ్యక్తం చేస్తున్నారు.
మణిపూర్ నుంచి ఇతర రాష్ట్రాలకు పనుల కోసం వలస వెళ్లిన వారు తిరిగి సొంత రాష్ట్రానికి వస్తున్నారు. వీరిలో ట్రాన్స్ జెండర్స్ కూడా ఉన్నారు. దాంతో వారికి ఇబ్బంది లేకుండా ప్రత్యేకంగా ఇంపాల్‌లో రెండ్ కేంద్రాలు ఏర్పాటు చేశారు. వారి భావోద్వేగం, భద్రతను దృష్టిలో పెట్టుకొని ఈ నిర్ణయం తీసుకున్నట్టుగా వెల్లడించారు. కాగా ట్రాన్స్ జెండర్స్ కోసం ప్రత్యేకంగా క్వారంటైన్ సెంటర్ ఏర్పాటు చేసిన తొలి రాష్ట్రంగా మణిపూర్ రికార్డు సృష్టించింది. కాగా ఇందులో ప్రస్తుతానికి 24మందికి వసతి కల్పించొచ్చు అవసరమైతే మరింత పెంచుతామని అధికారులు ప్రకటించారు.
