Meet 106-year-old Kanhaiya Lal Gupta, set to break record for the oldest active union leader
mictv telugu

106 ఏండ్ల వయస్సులో 61వ సారి ఎన్నికల్లో గెలిచాడు

September 8, 2022

దేశానికి స్వాతంత్ర్యం రాకముందు ఉద్యోగంలో చేరిన ఆ వ్యక్తి.. ఇప్పటికీ అంతే చురుకుగా పనిచేస్తూ, 61 వ సారి ట్రేడ్ యూనియన్ లీడర్‌గా ఎన్నికయ్యారు. 106 ఏళ్ల వయస్సులో లిమ్కా బుక్ ఆఫ్ రికార్డ్స్, గిన్నిస్ బుక్ రికార్డుల్లో స్థానం సంపాదించబోతున్నారు. వివరాల్లోకి వెళితే.. యూపీలోని వారణాసికి చెందిన కన్హయ్య లాల్ గుప్తా, 106 ఏళ్ల వయసులో మరోసారి నార్త్ ఈస్టర్న్ రైల్వే మజ్దూర్ యూనియన్(NERMU) ఎన్నికల్లో 61వ సారి ప్రధాన కార్యదర్శి పదవికి ఎన్నికయ్యాడు. మొదటి సారిగా 1946లో రైల్వేస్ లో చేరానని.. వెంటనే ట్రేడ్ యూనియన్ తో అనుబంధం పెంచుచున్నట్లు వెల్లడించారు. ప్రతీ ఏడాది ప్రధాన కార్యదర్శి ఎన్నికల్లో పాల్గొంటున్నారు కన్హయ్య లాల్. 1981లో పదవీ విరమణ చేసినప్పటికీ.. తన యూనియన్ తరుపున తన గళాన్ని వినిపించారు. తన కెరీర్లో నాలుగు సార్లు సర్వీస్ నుంచి తొలగించబడ్డారు. ఒక నెలపాలు జైలుకు కూడా వెళ్లివచ్చారు. అయినా కూడా ట్రేడ్ యూనియన్ కార్యకలాపాలకు దూరం కాలేదు.

ఇప్పటికి కూడా కన్హయ్య లాల్ ట్రేడ్ యూనియన్ కార్యకలాపాల్లో చురుకుగా వ్యవహరిస్తున్నారు. తన వయసు పెద్ద సమస్య కాదని అంటున్నారు. క్రమశిక్షణ, స్ఫూర్తి, నైతికబలం వంటి లక్షణాలను సామాజిక కార్యకర్త జయప్రకాష్ నారాయణతో తన అనుబంధం నుంచే ప్రేరణ పొందానని ఆయన అన్నారు. ఎన్ఈఆర్ఎంయూ సభ్యుల మధ్యలో ఉన్నప్పుడే తను శక్తి పొందుతానని.. నా ఏకైక కార్యాలయం, నా నివాసం, నా కుటుంబం అంతా ఈ ట్రేడ్ యూనియనే అని చెప్తున్నారు కన్హయ్య లాల్. అతనికి మంచి జ్ఞాపకశక్తి ఉందని.. తన దినచర్యను క్రమం తప్పకుండా పాటిస్తారని.. మసాలా లేకుండా రోజుకు పప్పుతో భోజనం చేస్తారని.. ఆరోగ్యం ఉంటారని NERMU సభ్యులు చెబుతున్నారు.