బాలీవుడ్‌లో ఎంతో ప్రతిష్ఠాత్మకంగా తెరకెక్కుతోన్న ‘బ్రహ్మాస్త్ర’ చిత్రంలో మెగాస్టార్ చిరంజీవి భాగమయ్యారు. బాలీవుడ్‌ జంట రణ్‌బీర్‌ కపూర్‌, ఆలియాభట్‌ ప్రధాన పాత్రల్లో నటించిన ఈ చిత్రానికి చిరంజీవి వాయిస్ ఓవర్ ఇచ్చారు. హీరో క్యారెక్టర్‌ను పరిచయం చేస్తూ ఆయన చెప్పిన డైలాగ్‌లు ఆకట్టుకుంటున్నాయి. దీనికి సంబంధించిన వీడియో క్లిప్‌ను చిత్ర బృందం విడుదల చేశారు. ప్రస్తుతం ఈ వీడియో సోషల్‌ మీడియాలో వైరల్‌ అవుతోంది. చిరు చేసిన సాయానికి సంతోషం వ్యక్తం చేసిన ఈ సినిమా డైరెక్టర్ ఆయాన్‌ ముఖర్జీ.. ఆయన కాళ్లను తాకి మర్యాదపూర్వకంగా నమస్కరించారు. ఈ చిత్రంలో అమితాబ్‌ బచ్చన్‌, అక్కినేని నాగార్జున్‌ కీలక పాత్రలు పోషిస్తున్నారు. ఈ నెల 15న ట్రైలర్‌ను విడుదల చేయనున్నారు. సెప్టెంబర్‌ 9న సినిమాను విడుదల చేయడానికి సన్నాహాలు చేస్తున్నారు. ఈ చిత్రానికి రాజమౌళి సమర్పకుడు. సైన్స్‌ ఫిక్షన్‌ నేపథ్యంలో రూపుదిద్దుకున్న ఈ చిత్రం పాన్‌ ఇండియా స్థాయిలో రెండు భాగాలుగా ప్రేక్షకుల ముందుకు రానుంది.
