Mexico University Students Break Guinness Record For Longest Bread Line
mictv telugu

4.5 కిలోమీటర్లు బ్రెడ్ తయారు చేసి గిన్నీస్ రికార్డు కొట్టేశారు..

January 11, 2023

ప్రపంచంలోనే అతి పెద్ద బ్రెడ్ ఇది. 4.5 కిలోమీటర్లు 14,360 ముక్కలున్న బ్రెడ్‌లైన్ ‌ తయారు చేసి మెక్సికోలోని ఓ విశ్వవిద్యాలయ విద్యార్థులు గిన్నీస్ రికార్డు సృష్టించారు. ఈ బ్రెడ్‎ను తయారూపొందించడానికి 700 మంది విద్యార్థులు 96 గంటల పాటు శ్రమించాల్సి వచ్చింది. జనవరి 6న జరుపుకునే ‘త్రీ కింగ్స్ డే’ సందర్భంగా ఈ సంప్రదాయ రోస్కా డి రెయెస్ బ్రెడ్ ను విద్యార్థులు తయారు చేశారు. 500 కిలోల పిండి 26,000 కోడి గుడ్లు, 2,000 లీటర్ల పాలు, ఇతర పదార్థాలను ఈ అతి పెద్ద కేకు కోసం ఉపయోగించారు. ప్రస్తుతం ఈ ఫోటులు, వీడియోలు సోషల్ మీడియాలో వైరల్‎గా మారాయి.

ఫుడ్ విభాగంలో మెక్సికో ఎన్నో ప్రపంచ రికార్డులను బద్దలు కొట్టింది. ఇప్పుడు జాబితాలో ఈ బ్రెడ్ కూడా వచ్చి చేరింది. మెక్సికోలోని విద్యార్థులే కాకుండా రెస్టారెంట్లు హోటళ్లు గిన్నిస్ రికార్డుల కోసం ప్రయత్నిస్తూ ఉంటాయి.మెక్సికోలోని గ్వాడలజారాలోని కర్నే గారిబాల్డి అనే ప్రసిద్ధ రెస్టారెంట్, “రెప్పపాటులో” ఆర్డర్‌లను అందించడంలో ప్రసిద్ధి చెందింది. నిజానికి, ఈ రెస్టారెంట్ 1996లో అత్యంత వేగవంతమైన సర్వీస్‌గా గిన్నిస్ వరల్డ్ రికార్డ్‌ను బద్దలు కొట్టింది.