అమెరికాలో మంచు తుఫాను విమానాలపై తీవ్ర ప్రభావం చూపింది. యునైటెడ్ స్టేట్స్‌లో మంచు తుఫాను కారణంగా బుధవారం 1,300 కంటే ఎక్కువ విమానాలు రద్దయ్యాయి. అమెరికాలోని పశ్చిమ, మధ్య రాష్ట్రాల్లో తీవ్రమైన మంచు తుఫాను ప్రభావం ఉంది. మధ్యాహ్నం 12.30 గంటల వరకు యునైటెడ్ స్టేట్స్ లోపల, వెలుపల మొత్తం 1,327 విమానాలు రద్దు చేశారు. ఫ్లైట్-ట్రాకింగ్ వెబ్‌సైట్ FlightAware ప్రకారం, USలో 2,030 విమానాలు ఆలస్యంగా నడుస్తున్నాయని తెలిపింది. గత నెలలో కూడా అమెరికాలో మంచు తుపాను కారణంగా చాలా రోజులుగా విమానాల రాకపోకలు నిలిచిపోయిన సంగతి తెలిసిందే.
More than 1,100 U.S. flights have been canceled and nearly 1,300 others have been delayed as of 10:30 a.m. ET Wednesday as a massive winter storm system spanned the northern half of the country. https://t.co/HnjS4tTyZI
— USA TODAY (@USATODAY) February 22, 2023
ఫెడరల్ ఏవియేషన్ అడ్మినిస్ట్రేషన్ (FAA)తెలిపిన వివరాల ప్రకారం మంగళవారం నాడు, ప్రతికూల వాతావరణం కారణంగా మిన్నెసోటా తోపాటు ఇతర రాష్ట్రాల్లో గ్రేట్ లేక్స్, దక్షిణ మైదానాల మీదుగా విమానాలను రద్దు చేసినట్లు వెల్లడించింది. గంటకు రెండు అంగుళాల వరకు మంచు కురుస్తుంది. బలమైన గాలులు ఉత్తర మైదానాలు, ఎగువ మిడ్‌వెస్ట్‌లోని కొన్ని ప్రాంతాలలో ప్రయాణ పరిస్థితులను ప్రమాదకరంగా ఉన్నాయని పేర్కొంది.
