naattu naattu song Oscar Award 2023 Nominations
mictv telugu

Oscar Awards : ఆస్కార్ నామినేషన్‌లో నాటు నాటు

January 24, 2023

Natu Natu song nomination in Oscar awards

తెలుగు సినిమాకు అరుదైన గౌరవం దక్కింది. అందరూ ఊహించినట్టు రాజమౌళి ఆర్ఆర్ఆర్ చిత్రం నుంచి నాటు నాటు పాట ఆస్కార్ నామినేషన్లలో చోటు దక్కించుకుంది. ఈ విషయాన్ని నిర్వాహకులు మంగళవారం సాయంత్రం అధికారికంగా ప్రకటించారు. ఇప్పటికే ప్రపంచ ప్రేక్షకులను ఆకట్టుకున్న ఈ ఒరిజినల్ పాట గోల్డెన్ గ్లోబ్ అవార్డు గెలుచుకున్న విషయం తెలిసిందే. ఈ అవార్డు వచ్చిన పాటకే దాదాపు ఆస్కార్ వరించే అవకాశాలు ఎక్కువగా ఉంటాయి. దీంతో తెలుగు సినీ ప్రముఖులు, ప్రేక్షకులతో పాటు దేశ వ్యాప్తంగా చిత్ర బృందంపై ప్రశంసలు వెల్లువెత్తుతున్నాయి. మార్చిలో ఆస్కార్ అవార్డులను ప్రకటిస్తారు. కాగా, తెలుగు లేదా టాలీవుడ్ నుంచి ఈ ఘనత సాధించిన తొలి పాటగా నాటు నాటు నిలిచింది. నాటు నాటుతో పాటు మరో నాలుగు పాటలు అవార్డ్ కోసం పోటీ పడుతున్నాయి. అవి 1. అప్లాజ్ (టెల్ ఇట్ లైక్ ఎ ఉమెన్), 2. హోల్డ్ మై హ్యాండ్ (టాప్ గన్.. మార్వెరిక్), 3. లిఫ్ట్ మీ అప్ (బ్లాక్ పాంథర్), 4. ది ఈజ్ ఏ లైఫ్ (ఎవ్రీ థింగ్ ఎవ్రీవేర్ ఆల్ ఎట్ వన్స్) పాటలు ఆస్కార్ బరిలో ఉన్నాయి.