nikhat zareen Wins National Women Boxing Championship 2022
mictv telugu

ఫైనల్స్‌లో సత్తా చాటిన తెలంగాణ బాక్సర్.. పసిడి పతకం కైవసం

December 26, 2022

తెలంగాణ యువ బాక్సర్‌ నిఖత్‌ జరీన్‌ మరోసారి తన సత్తా చాటింది. మధ్యప్రదేశ్‌ రాజధాని భోపాల్‌లో జరుగుతున్న జాతీయ మహిళల బాక్సింగ్‌ ఛాంపియన్‌షిప్‌ను కైవసం చేసుకుంది. బాక్సింగ్‌ ఛాంపియన్‌షిప్‌ ఫైనల్‌లో తన ప్రత్యర్థి అనామికపై 4-1 తేడాతో నిఖత్‌ జరీన్‌ విజయం సాధించి విజేతగా నిలిచింది. దీంతో, ఈఏడాది ఆడిన అన్ని టోర్నమెంట్లలోనూ గెలిచిన నిఖత్ అజేయంగా నిలిచినట్టయింది.

అంతకుముందు ఆదివారం 50 కేజీల విభాగం సెమీస్‌లో ఆలిండియా పోలీస్‌ (ఏజీపీ) జట్టు బాక్సర్‌ శివిందర్‌ కౌర్‌పై నిఖత్ 5-0 తేడాతో ఘన విజయం సాధించి. మ్యాచ్ ఆరంభం నుంచి సూపర్‌ ఫామ్‌లో ఉన్న నిఖత్‌.. ఈ బౌట్‌లో ప్రత్యర్థిపై పూర్తి ఆధిపత్యం చలాయించింది. అదే ఫామ్‌తో ఈనాటి ఫైనల్లో రైల్వేస్‌ బాక్సర్‌ అనామికతో 4-1 తేడాతో గెలిచి ఘన విజయాన్ని సొంతం చేసుకుంది. కామన్వెల్త్ క్రీడల్లోనూ పసిడి పతకం సొంతం చేసుకున్న నిఖత్ ఇప్పుడు జాతీయ చాంపియన్ షిప్ కూడా గెలిచి ఔరా అనిపించింది.

ఇవి కూడా చదవండి

బీహార్‌లో ఐదుగురు విదేశీయులకు కరోనా

ఈ విద్యార్థి కోసం నెలకు రూ.3లక్షలు ఖర్చు చేస్తున్న ప్రభుత్వం