ప్రముఖ స్మార్ట్ ఫోన్ బ్రాండ్ నోకియా గతేడాది డిసెంబర్ లో 55 అంగుళాల టీవీని లాంచ్ చేసిన సంగతి తెలిసిందే. తాజాగా 43 అంగుళాల స్మార్ట్ టీవీని లాంచ్ చేసింది. ఈ స్మార్ట్ ఫోన్ ధరను రూ.31,999గా నిర్ణయించింది. ఈ టీవీ సేల్ ఫ్లిప్ కార్ట్ లో జూన్ 8వ తేదీ మధ్యాహ్నం 12 గంటలకు జరగనుంది. ఇక ఈ టీవీపై ఆఫర్ల విషయానికి వస్తే.. ఫ్లిప్ కార్ట్ యాక్సిస్ బ్యాంక్ క్రెడిట్ కార్డు ద్వారా ఈ టీవీని కొనుగోలు చేస్తే ఐదు శాతం అన్ లిమిటెడ్ క్యాష్ బ్యాక్ లభిస్తుంది. యాక్సిస్ బ్యాంక్ బజ్ క్రెడిట్ కార్డు ద్వారా కొనుగోలు చేస్తే 10 శాతం తగ్గింపు లభించనుంది. సిటీ బ్యాంక్ డెబిట్, క్రెడిట్ కార్డుల ద్వారా కొనుగోలు చేస్తే రూ.1,500 తగ్గింపు లభించనుంది. నెలకు రూ.2,667 చెల్లించే విధంగా నో కాస్ట్ ఈఎంఐ కూడా అందుబాటులో ఉంది. ఈ టీవీని కొనుగోలు చేసిన వారికి ఆరు నెలల పాటు యూట్యూబ్ ప్రీమియం సబ్ స్క్రిప్షన్ లభించనుంది. నెట్ ఫ్లిక్స్, అమెజాన్ ప్రైమ్ వీడియో, డిస్నీ ప్లస్ హాట్ స్టార్, యూట్యూబ్ వంటి యాప్స్ ను ఇందులో ఇన్ బిల్ట్ గా అందిస్తారు. గూగుల్ ప్లే స్టోర్, వైఫై, బ్లూటూత్ 5.0 సపోర్ట్ కూడా ఇందులో ఉన్నాయి. ఈ కొత్త టీవీకి సంబంధించిన టీజర్లు ఫ్లిప్ కార్ట్ లో మార్చిలోనే విడుదలయ్యాయి. అయితే కరోనావైరస్ లాక్ డౌన్ కారణంగా లాంచ్ ఆలస్యం అయింది.
నోకియా 43 అంగుళాల టీవీ ఫీచర్లు
* 43 అంగుళాల 4కే అల్ట్రా హెచ్ డీ ఎల్ఈడీ ఫ్లాట్ స్క్రీన్ డిస్ ప్లే,
* స్క్రీన్ రిఫ్రెష్ రేట్ 60 హెర్ట్జ్,
* 16:9 యాస్పెక్ట్ రేషియో,
* వ్యూయింగ్ యాంగిల్ 178 డిగ్రీలు,
* 2 గిగా హెర్ట్జ్ సీఏ53 క్వాడ్ కోర్ ప్రాసెసర్,
* ఇంటర్నల్ స్టోరేజ్ 16 జీబీ,
* ఆండ్రాయిడ్ టీవీ 9.0 ఆపరేటింగ్ సిస్టం,
* 24W సౌండ్ అవుట్ పుట్,
* డాల్బీ ఆడియో,
* డీటీఎస్ ట్రూసరౌండ్ సపోర్ట్.
