ఇండో టిబెటన్ బోర్డర్ పోలీస్ ఫోర్స్ , సెంట్రల్ ఆర్మ్‌డ్ పోలీస్ ఫోర్సెస్లో వివిధ మెడికల్ ఆఫీసర్ పోస్టుల కోసం రిక్రూట్‌మెంట్ 2023 నోటిఫికేషన్ జారీ చేసింది. ఐటీబీపీ మెడికల్ ఆఫీసర్ పోస్టులపై 250కి పైగా ఖాళీలను భర్తీ చేయనుంది. ఆసక్తి, అర్హత ఉన్న అభ్యర్థులు ITBP recruitment.itbpolice.nic.inఅధికారిక వెబ్సైట్ ద్వారా ఆన్లైన్ లో దరఖాస్తు చేసుకోవచ్చు. ఈ పోస్టులకు గానూ ఆన్లైన్ దరఖాస్తులు ఫిబ్రవరి 15 నుంచి ప్రారంభం అవుతాయి. నోటిఫికేషన్ లో పేర్కొన్న అర్హతలు ఉన్న అభ్యర్థులు మార్చి 16 వ తేదీ వరకు ఆన్లైన్ లో దరఖాస్తు చేసుకోవచ్చు.
ఖాళీల వివరాలు:
ఐటీబీపీ MO రిక్రూట్‌మెంట్ డ్రైవ్ మొత్తం 297 ఖాళీలను భర్తీ చేయాలని లక్ష్యంగా పెట్టుకుంది. వీటిలో 185 ఖాళీలు స్పెషలిస్ట్ మెడికల్ ఆఫీసర్లు (డిప్యూటీ కమాండెంట్లు)107 ఖాళీలు మెడికల్ ఆఫీసర్లు, కమాండెంట్లు 5 ఖాళీలు సూపర్ స్పెషలిస్ట్ మెడికల్ ఆఫీసర్ల కోసం భర్తీ చేయనుంది.
విద్యా అర్హత & వయో పరిమితి:
సూపర్ స్పెషలిస్ట్ మెడికల్ ఆఫీసర్:
బ్యాచిలర్ ఆఫ్ మెడిసిన్ మరియు బ్యాచిలర్ ఆఫ్ సర్జరీ (MBBS)గుర్తింపు పొందిన ఇన్‌స్టిట్యూట్ నుండి మెడిసిన్(DM)లేదా మాస్టర్ ఆఫ్ సర్జరీ (M.Ch)లో డాక్టరేట్.
వయోపరిమితి: 50 ఏళ్లు మించకూడదు.
స్పెషలిస్ట్ మెడికల్ ఆఫీసర్:
సంబంధిత సబ్జెక్టులో పోస్ట్ గ్రాడ్యుయేషన్ డిగ్రీ పొంది ఉండాలి. వయస్సు 40ఏళ్లకు మించకూడదు.
మెడికల్ ఆఫీసర్:
ఎంబిబిఎస్, వయస్సు 30ఏళ్లు ఉండాలి.
ఎంపిక ప్రక్రియ :
అభ్యర్థులను ఇంటర్వ్యూ ఆధారంగా ఎంపిక చేస్తారు. పీఎస్టీ , మెడికల్ టెస్ట్ నిర్వహిస్తారు.
దరఖాస్తు రుసుము :
UR/OBC/EWS వర్గానికి చెందిన పురుష అభ్యర్థులు రూ.400 రుసుము చెల్లించాలి. SC/ST/మహిళలు, మాజీ సైనికుల కుటుంబాలకు చెందిన అభ్యర్థులకు ఫీజు చెల్లింపు నుండి మినహాయింపు ఉంది.
