Old Ancient Lord vinayaka Idol Seized and two arrested In Prakasam District AP
mictv telugu

పంచముఖ మరకత వినాయక విగ్రహం.. రూ.25 కోట్లకు బేరం

June 12, 2022

Old Ancient Lord vinayaka Idol Seized and two arrested In Prakasam District AP

ప్రకాశం జిల్లా యర్రగొండపాలెంలో పురాతన పంచ ముఖా వినాయక విగ్రహం కలకలంరేపింది.. పంచ ముఖాలు కలిగిన ఈ మరకత విగ్రహాన్ని 25 కోట్ల రూపాయలకు అమ్మేందుకు ప్రయత్నించినట్లు ప్రచారం జరుగుతోంది. ఈ విగ్రహాన్ని అమ్మేందుకు ప్రయత్నించింది కూడా సామాన్యులు కాదని తెలుస్తోంది. ప్రముఖ వ్యక్తులే ఈ మరకత విగ్రహాన్ని పాతిక కోట్ల రూపాయలకు అమ్మేందుకు బేరసారాలు చేయడంతో ఇది బయటపడిందని అంటున్నారు.. పక్కా సమాచారం అందుకున్న నిఘా విభాగానికి చెందిన అధికారులు విగ్రహాన్ని స్వాధీనం చేసుకున్నారు. ఈ విగ్రహంతో పాటూ ఉన్న ఇంద్రసేనారెడ్డి, వెంకటేశ్వరరెడ్డి అనే వ్యక్తులని అదుపులోకి తీసుకుని పోలీసులు ప్రశ్నిస్తున్నారు.

అయితే, పొలిటీషియన్స్ పైరవీలతో ఆ మరకత విగ్రహాన్ని యర్రగొండపాలెం పోలీసులకు అప్పగించి వెళ్లిపోయినట్లు టాక్‌ వినిపిస్తోంది. కోట్ల రూపాయలు విలువచేసే ఈ మరకత విగ్రహం ప్రస్తుతం యర్రగొండపాలెం పోలీస్‌స్టేషన్‌ ఉందని చెబుతున్నారు. ఈ విగ్రహం వ్యవహారానికి సంబంధించి పూర్తి వివరాలు తెలియాల్సి ఉంది.